நடிகை அனுஷ்காவுக்கு ரஜினி பாராட்டு

‘பாகமதி’ திரைப்படத்தில் சிறப்பான நடிப்பை வெளிப்படுத்தியதற்காக நடிகை அனுஷ்காவை நடிகர் ரஜினிகாந்த் தொலைபேசியில் தொடர்பு கொண்டு பாராட்டி உள்ளார்.

அவருடைய பாராட்டை என்னுடைய வாழ்நாளில் என்றும் மறக்க முடியாது என்று அனுஷ்கா மகிழ்ச்சியுடன் தெரிவித்துள்ளார்.

சமீபத்தில் வெளியான ‘பாகமதி’ திரைப்படம் தமிழ், தெலுங்கு ஆகிய மொழிகளில் வெளியாகி வெற்றிகரமாக ஓடிக் கொண்டிருக்கிறது. ஆந்திரா, தெலங்கானா, தமிழகம் மட்டுமின்றி இத்திரைப்படம் உலகமெங்கும் திரையிடப்பட்டுள்ளது. இத்திரைப்படத்தில் நடிகை அனுஷ்கா முக்கிய கதாபாத்திரத்தில் நடித்துள்ளார்.

இந்நிலையில், தெலுங்கு தொலைக்காட்சி ஒன்றுக்கு நடிகை அனுஷ்கா அண்மையில் பேட்டியளித்திருந்தார்.

அதில், ‘பாகமதி’ திரைப் படத்தை பார்த்துவிட்டு, நடிகர் ரஜினிகாந்த் தம்மை தொலைபேசியில் தொடர்பு கொண்டு பாராட்டியதாக அவர் தெரிவித்தார். மேலும், இந்தப் பாராட்டை தமது வாழ்நாள் முழுவதும் மறக்க மாட்டேன் என்றும் அனுஷ்கா கூறினார்.