சீனுராமசாமி - உதயநிதி இணையும் கண்ணே கலைமானே

சீனுராமசாமி இயக்கத்தில் உதயநிதி ஸ்டாலின் நடிக்கவுள்ள படத்துக்கு 'கண்ணே கலைமானே' என தலைப்பிட்டுள்ளார்கள்.

'நிமிர்' படத்தினை விளம்பரப்படுத்தும் பணிகள் முடிவடைந்தவுடன், சீனுராமசாமி இயக்கத்தில் உருவாகவுள்ள படத்தில் நாயகனாக நடிக்க இருக்கிறார் உதயநிதி ஸ்டாலின். இதன் முதற்கட்ட பணிகள் தீவிரமாக நடைபெற்று வருகின்றன.

தமன்னா, ராமு, சரண்யா பொன்வண்ணன், வடிவுக்கரசி, கஞ்சா கருப்பு உள்ளிட்ட பலர் இப்படத்துக்காக ஒப்பந்தம் செய்யப்பட்டு இருக்கிறார்கள். ஜனவரி 19-ம் தேதி முதல் மதுரையில் படப்பிடிப்பு தொடங்கவுள்ளது.

வைரமுத்து பாடல்கள் எழுத, யுவன் இசையமைக்கவுள்ளார். ஒரே கட்டமாக மொத்த படத்தையும் முடிக்க படக்குழு திட்டமிட்டுள்ளது. இப்படத்தை முடித்தவுடன் மித்ரன் இயக்கத்தில் உருவாகவுள்ள படத்தில் நடிக்க தேதிகள் ஒதுக்கியுள்ளார் உதயநிதி ஸ்டாலின். இதனை தேனாண்டாள் பிலிம்ஸ் நிறுவனம் தயாரிக்கவுள்ளது.