மதுரையில் கண்ணே கலைமானே படப்பிடிப்பு தொடக்கம்

சீனுராமசாமி இயக்கத்தில் உதயநிதி ஸ்டாலின் நடிக்கும் 'கண்ணே கலைமானே' படப்பிடிப்பு மதுரையில் தொடங்கப்பட்டது.

'நிமிர்' வெளியானதைத் தொடர்ந்து சீனுராமசாமி இயக்கத்தில் உருவாகவுள்ள படத்தில் நடிக்கத் தொடங்கியுள்ளார் உதயநிதி ஸ்டாலின். 'கண்ணே கலைமானே' என்று பெயரிடப்பட்டுள்ள இப்படத்தின் படப்பிடிப்பு மதுரையில் படப்பூஜையுடன் தொடங்கப்பட்டு இருக்கிறது.

தமன்னா, ராமு, சரண்யா பொன்வண்ணன், வடிவுக்கரசி, கஞ்சா கருப்பு உள்ளிட்ட பலர் இப்படத்துக்காக ஒப்பந்தம் செய்யப்பட்டு இருக்கிறார்கள். வைரமுத்து பாடல்கள் எழுத, யுவன் இசையமைக்கவுள்ளார். ஒரே கட்டமாக மொத்த படத்தையும் முடிக்க படக்குழு திட்டமிட்டுள்ளது.

இப்படத்தை முடித்தவுடன் மித்ரன் இயக்கத்தில் உருவாகவுள்ள படத்தில் நடிக்க தேதிகள் ஒதுக்கியுள்ளார் உதயநிதி ஸ்டாலின். இதனை தேனாண்டாள் பிலிம்ஸ் நிறுவனம் தயாரிக்கவுள்ளது