விசுவாசம் இசையமைப்பாளர் பொறுப்பிலிருந்து யுவன் விலகல்?

அஜித் நடிப்பில் உருவாகவுள்ள 'விசுவாசம்' படத்தின் இசையமைப்பாளர் பொறுப்பிலிருந்து யுவன் சங்கர் ராஜா விலகிவிட்டதாக தகவல் வெளியாகியுள்ளது.

'விவேகம்' படத்தைத் தொடர்ந்து மீண்டும் சிவா இயக்கத்தில் அஜித் நடிப்பது உறுதியாகியுள்ளது. சத்யஜோதி நிறுவனம் தயாரிக்கவுள்ள இப்படத்தின் முதற்கட்டப் பணிகள் தொடங்கப்பட்டுள்ளன.

இப்படத்தில் தனது வழக்கமான கூட்டணியை மாற்றலாம் என்று முடிவு செய்திருக்கிறார் சிவா. அனிருத்துக்கு பதிலாக யுவன் ஒப்பந்தம் செய்யப்பட்டார். இயக்குநர் சிவா - யுவன் இருவருமே பாடல்கள் உருவாக்கப் பணியில் ஈடுபட்டு வந்தார்கள்.

இந்நிலையில், இசையமைப்பாளர் பொறுப்பிலிருந்து யுவன் விலகிவிட்டதாக தகவல் வெளியாகியுள்ளது. இதனை படக்குழுவினர் இன்னும் உறுதிப்படுத்தவில்லை. சிவா - அஜித் கூட்டணியில் பணிபுரிந்து வரும் அனிருத் மீண்டும் இசையமைப்பாளராக வாய்ப்பிருப்பதாக திரையுலகினர் தெரிவித்தார்கள்.

பிப்ரவரியில் இக்கூட்டணி இணையும் படத்தின் படப்பிடிப்பு தொடங்க சத்யஜோதி நிறுவனம் முடிவு செய்திருக்கிறது. தீபாவளிக்கு வெளியிடலாம் என்று திட்டமிட்டு இருக்கிறார்கள்.