ஆஸ்கருக்கு தகுதி வாய்ந்தது அருவி- விஜய் சேதுபதி புகழாரம்

ஆஸ்கர் விருதுக்கு தகுதி வாய்ந்தது 'அருவி' திரைப்படம் என்று விஜய் சேதுபதி புகழாரம் சூட்டியுள்ளார்.

அருண்பிரபு புருஷோத்தமன் இயக்கத்தில் அதிதி பாலன், லெனின் பாரதி உள்ளிட்ட பலர் நடிப்பில் வெளியான படம் 'அருவி'. விமர்சகர்கள் மத்தியில் படத்துக்கு பெரும் வரவேற்பு கிடைத்திருக்கிறது.

இயக்குநருக்கும், நாயகியான அதிதி பாலனுக்கும் திரையுலகினர் பலர் வாழ்த்து தெரிவித்து வருகிறார்கள். இந்நிலையில் 'அருவி' பார்த்துவிட்டு விஜய் சேதுபதி தனது ட்விட்டர் பக்கத்தில் கூறியிருப்பதாவது:

'அருவி' படம் ஆஸ்கருக்கு தகுதி வாய்ந்ததாகும். படத்தை உருவாக்கியவர்களுக்கும் அருவியாக நடித்த பெண்ணிற்கும் கிடைத்தால் நான் மிகவும் மகிழ்ச்சி அடைவேன். தலை வணங்குகிறேன்.

இவ்வாறு விஜய் சேதுபதி கூறியுள்ளார்.