அஜித்தின் விசுவாசம் படத்தில் நானா? - நிவின் பாலி மறுப்பு

அஜித் நடிக்கவுள்ள 'விசுவாசம்' படத்தில் தான் நடிக்கவுள்ளதாக வெளியான செய்திக்கு நிவின்பாலி மறுப்பு தெரிவித்திருக்கிறார்.

நடிகர் அஜித்தை வைத்து இயக்குநர் சிவா இயக்கும் அடுத்த படத்துக்கு 'விசுவாசம்' எனப் பெயரிடப்பட்டுள்ளது. இதை படத்தைத் தயாரிக்கும் சத்யஜோதி பிலிம்ஸ் நிறுவனம் அதிகாரபூர்வமாக அறிவித்துள்ளது.

இதில் நிவின்பாலி முக்கிய கதாபாத்திரத்தில் நடிக்க ஒப்பந்தமாகி இருப்பதாக செய்திகள் வெளியாகின. இதனை நிகழ்ச்சி ஒன்றில் கலந்து கொண்ட போது நிவின் பாலியிடம் பத்திரிக்கையாளர்கள் கேட்டனர்.

இதற்கு "நானும் அச்செய்தியை படித்தேன். படக்குழுவினர் யாரும் என்னை அழைக்கவில்லை. அச்செய்தியில் உண்மையில்லை" என்று நிவின்பாலி தெரிவித்திருக்கிறார்.

ஜனவரி மாதம் 'விசுவாசம்' படத்தின் படப்பிடிப்பு தொடங்க உள்ளது. 2018 தீபாவளி வெளியீடாக 'விசுவாசம்' வெளிவரும்" என்று தெரிவிக்கப்பட்டுள்ளது. தற்போது அஜித்துடன் நடிக்கும் நடிகர் - நடிகைகள் தேர்வு நடைபெற்று வருகிறது. யுவன் இசையமைக்க இருக்கிறார்.