விஷாலின் வேட்புமனு நிராகரிப்பு: ராதிகா கிண்டல்

ஆர்.கே.நகரில் விஷாலின் வேட்புமனு நிராகரிப்பட்டதைத் தொடர்ந்து ட்விட்டர் பக்கத்தில் ராதிகா சரத்குமார் கிண்டல் செய்துள்ளார்.

ஆர்.கே.நகர் இடைத்தேர்தல் நாளுக்கு நாள் பரபரப்பை ஏற்படுத்தி வரும் சூழ்நிலையில் நடிகர் விஷால் திடீரென தேர்தலில் போட்டியிடுவதாக அறிவித்தார். இதனால் பரபரப்பு ஏற்பட்டது.

இந்நிலையில் விஷாலை முன் மொழிந்த 10 பேரில் 2 பேர் தகவல்கள் சரியாக இல்லாத காரணத்தால் வேட்புமனுவை நிராகரிப்பதாக தேர்தல் அதிகாரி வேலுச்சாமி அறிவித்தார்.

விஷாலின் வேட்புமனு நிராகரிப்பட்டிருப்பதை தனது ட்விட்டர் பக்கத்தில் ராதிகா சரத்குமார் கிண்டல் செய்திருக்கிறார். இது குறித்து அவர் கூறியிருப்பதாவது:

மக்களுக்காக உழைப்பேன், ஊழலை எதிர்ப்பேன் என்று சொன்ன வார்த்தைகளுக்குப் பின் இருக்கும் உண்மையான பச்சோந்தியை மக்கள் இப்போது பார்க்கிறார்கள். அதுவும் கையெழுத்தில் மோசடி என்பதற்காக. உண்மையான வண்ணத்தை அனைவரும் பார்க்க வாய்ப்பு கிடைத்துள்ளது.

இவ்வாறு அவர் தெரிவித்திருக்கிறார்.