பிப்ரவரி 9-ம் தேதி வெளியாகிறது விஜய்யின் கரு

விஜய் இயக்கத்தில் சாய்பல்லவி நடித்திருக்கும் 'கரு' திரைப்படம், பிப்ரவரி 9-ம் தேதி வெளியாகும் என படக்குழு அறிவித்திருக்கிறது.

'வனமகன்' படத்தைத் தொடர்ந்து சாய்பல்லவி நடிப்பில் 'கரு' என்ற படத்தை இயக்கினார் இயக்குநர் விஜய். லைகா நிறுவனம் தயாரிக்கும் இப்படத்துக்கு நீரவ் ஷா ஒளிப்பதிவு செய்திருக்கிறார். நாக ஷவுர்யா, ஆர்.ஜே.பாலாஜி உள்ளிட்ட பலர் நடித்திருக்கும் இப்படத்துக்கு சாம் இசையமைப்பாளராக பணிபுரிந்து வருகிறார்.

சமீபத்தில் இப்படத்தின் ட்ரெய்லரை பிரபுதேவா வெளியிட்டார். இதற்கு சமூகவலைத்தளத்தில் நல்ல வரவேற்பு கிடைத்திருந்தது. தற்போது அனைத்து பணிகளும் முடிந்துவிட்ட நிலையில், பிப்ரவரி 9-ம் தேதி 'கரு' வெளியாகும் என படக்குழு அதிகாரப்பூர்வமாக அறிவித்திருக்கிறது.

'கரு' பணிகள் முடிவுற்றதைத் தொடர்ந்து பிரபுதேவா, ஐஸ்வர்யா ராஜேஷ், ஆர்.ஜே.பாலாஜி நடிப்பில் உருவாகும் புதிய படத்தை இயக்கி வருகிறார் விஜய். இதனை ட்ரைடண்ட் ஆர்ட்ஸ் நிறுவனம் தயாரித்து வருகிறது.