ஜனவரி 26-ம் தேதி டிக்:டிக்:டிக் வெளியீடு: படக்குழு அறிவிப்பு

ஜெயம் ரவி நடிப்பில் உருவாகியுள்ள 'டிக்:டிக்:டிக்' ஜனவரி 26-ம் தேதி வெளியாகும் என படக்குழு அதிகாரப்பூர்வமாக அறிவித்திருக்கிறது.

சக்தி செளந்தர்ராஜன் இயக்கத்தில் ஜெயம் ரவி, நிவேதா பெத்துராஜ், ஆரோன் அஜீஸ் உள்ளிட்ட பலர் நடிப்பில் உருவாகியுள்ள படம் 'டிக்:டிக்:டிக்'. இதில் ஜெயம் ரவி மகன் ஆரவ் முக்கிய கதாபாத்திரத்தில் நடித்திருக்கிறார்.

இது தமிழ்த் திரையில், முழுக்க விண்வெளியை மையப்படுத்தி தயாராகும் முதல் த்ரில்லர் படமாகும். பெரும் பொருட்செலவில் உருவாகவிருக்கும் இப்படத்தின் படப்பிடிப்பு சென்னையில் பிரம்மாண்டமான அரங்குகள் அமைத்து அதற்குள் நடைபெற்றுள்ளது. ஜபக் தயாரித்துள்ள இப்படத்துக்கு இமான் இசையமைத்து வருகிறார். இதன் மொத்த படப்பிடிப்பும் முடிந்து, கிராபிக்ஸ் பணிகளும் மும்முரமாக நடைபெற்று வந்தது.

இப்படத்தின் வெளியீடு எப்போது என்று தெரியாமல் இருந்தது. தற்போது ஜனவரி 26-ம் தேதி வெளியீடாக 'டிக்:டிக்:டிக்' திரைக்கு வரும் என்று படக்குழு அதிகாரப்பூர்வமாக அறிவித்திருக்கிறது.