தணிக்கையில் யு: டிசம்பர் 22-ம் தேதி வெளியாகிறது வேலைக்காரன்

தணிக்கையில் 'யு' சான்றிதழ் கிடைத்ததைத் தொடர்ந்து, டிசம்பர் 22-ம் தேதி 'வேலைக்காரன்' வெளியாகும் என படக்குழு அறிவித்திருக்கிறது.

'வேலைக்காரன்' படத்தின் ஒட்டுமொத்த படப்பிடிப்பும் முடிந்து இறுதிக்கட்டப் பணிகள் துரிதமாக நடைபெற்று வந்தது. அதன் எடிட்டிங் பணிகள் முடித்து, தணிக்கைக்கு விண்ணப்பித்திருந்தது படக்குழு.

இப்படத்தைப் பார்த்த தணிக்கைக் குழு அதிகாரிகள், 'யு' சான்றிதழ் அளிக்கவே மிகவும் சந்தோஷமடைந்துள்ளது படக்குழு. அதனைத் தொடர்ந்து டிசம்பர் 22-ம் தேதி வெளியீடு என்று திரையரங்குகள் ஒப்பந்த பட்டியலோடு அறிவித்திருக்கிறது படக்குழு.

சிவகார்த்திகேயன், நயன்தாரா, ஃபகத் பாசில், சதீஷ், ஆர்.ஜே.பாலாஜி, சிநேகா உள்ளிட்ட பலர் நடித்திருக்கும் இப்படத்தை மோகன் ராஜா இயக்கியுள்ளார். அனிருத் இசையமைக்க, ராம்ஜி ஒளிப்பதிவு செய்திருக்கிறார். 24 ஏ.எம் நிறுவனம் சார்பில் ராஜா தயாரித்திருக்கிறார்.

'வேலைக்காரன்' படத்தின் பணிகள் முடிவடைந்ததைத் தொடர்ந்து, பொன்ராம் இயக்கத்தில் உருவாகும் படத்தில் கவனம் செலுத்தி வருகிறார் சிவகார்த்திகேயன்.