டிசம்பர் 14-ம் தேதி வெளியாகிறது மாயவன்

சி.வி.குமார் இயக்கத்தில் உருவாகியுள்ள 'மாயவன்' திரைப்படம் டிசம்பர் 14-ம் தேதி வெளியாகும் என படக்குழு அறிவித்திருக்கிறது.

சந்தீப் கிஷன், லாவண்யா திரிபாதி, டேனியல் பாலாஜி, ஜாக்கி ஷெராஃப் உள்ளிட்ட பலர் நடித்துள்ள 'மாயவன்' படத்தின் மூலம் இயக்குநராக அறிமுகமாகிறார் சி.வி.குமார். ஜிப்ரான் இசையமைத்துள்ள இப்படத்தை சி.வி.குமார் தயாரித்திருக்கிறார்.

இப்படத்தின் கிராபிக்ஸ் பணிகள் அனைத்தும் முடிவுற்று, தணிக்கையில் 'யு/ஏ' சான்றிதழ் கிடைத்தது. செப்டம்பர் வெளியீடு எனத் திட்டமிடப்பட்டது. ஆனால் பைனான்ஸ் பிரச்சினையில் சிக்கியதால் வெளியீடு தடைபட்டது.

தற்போது அனைத்து பிரச்சினைகளும் முடிவு பெற்றதால், டிசம்பர் 14-ம் தேதி வெளியாகும் என படக்குழு அதிகாரப்பூர்வமாக அறிவித்திருக்கிறது.