வைபவ் நடிக்கும் காட்டேரி- நாயகியாக ஹன்சிகாவிடம் பேச்சுவார்த்தை

வைபவ் நாயகனாக நடிக்கவுள்ள 'காட்டேரி' படத்தின் நாயகியாக நடிக்க ஹன்சிகாவிடம் பேச்சுவார்த்தை நடத்தி வருகிறது படக்குழு.

'கவலை வேண்டாம்' படத்தைத் தொடர்ந்து தனது அடுத்த படத்துக்கான கதை விவாதத்தில் ஈடுபட்டு வந்தார் இயக்குநர் டி.கே. இதனை ஸ்டூடியோ க்ரீன் நிறுவனம் தயாரிக்க முன்வந்தது.

இதன் நாயகனாக வைபவ் நடிக்க ஒப்பந்தமாகியுள்ளார். இப்படத்தின் ஆரம்பகட்டப் பணிகள் தீவிரமாக நடைபெற்று வருகிறது. முதலில் ஓவியா நாயகியாக ஒப்பந்தமாகியிருந்தார்.

இந்நிலையில், தற்போது ஓவியாவுக்கு பதிலாக ஹன்சிகாவை நடிக்கவைக்க பேச்சுவார்த்தை நடத்தி வருகிறது. விரைவில் ஒப்பந்தத்தில் கையெழுத்திடுவார் என்று படக்குழுவினர் சார்பில் தெரிவித்தார்கள்.

முன்னணி நாயகர்களுடன் நடித்து வந்த ஹன்சிகா, சமீபத்தில் சாம் ஆண்டன் இயக்கத்தில் அதர்வா நடிக்கும் படத்தில் ஒப்பந்தமானார். அதனைத் தொடர்ந்து 'காட்டேரி'யிலும் ஒப்பந்தமாகவிருப்பது குறிப்பிடத்தக்கது.