நெல்சன் இயக்கத்தில் எஸ்.ஜே.சூர்யா

'ஒரு நாள் கூத்து' இயக்குநர் நெல்சன் இயக்கத்தில் உருவாகவுள்ள படத்தின் நாயகனாக எஸ்.ஜே.சூர்யா நடிக்க ஒப்பந்தமாகி இருக்கிறார்.

'ஜோக்கர்', 'மாநகரம்', 'தீரன் அதிகாரம் ஒன்று', 'அருவி' உள்ளிட்ட வித்தியாசமான களங்களைக் கொண்ட படங்களை தயாரிக்கும் நிறுவனம் ட்ரீன் வாரியர் பிக்சர்ஸ் நிறுவனம். அடுத்ததாக செல்வராகவன் - சூர்யா இணையும் படம், 'மாநகரம்' இயக்குநரின் அடுத்த படம் ஆகிய படங்களை தயாரிக்கவுள்ளது.

இதனிடையே 'ஒரு நாள் கூத்து' இயக்குநர் நெல்சன் கூறிய கதை பிடித்துவிடவே, அப்படத்தையும் தயாரிக்கவுள்ளனர். இப்படத்தின் நாயகனாக எஸ்.ஜே.சூர்யா ஒப்பந்தமாகி இருக்கிறார். தற்போது இதன் முதற்கட்டப் பணிகள் தீவிரமாக நடைபெற்று வருகிறது.

ஜனவரியில் படப்பிடிப்பு தொடங்க படக்குழுவினர் திட்டமிட்டு இருக்கிறார்கள். மேலும், விரைவில் இறுதி செய்யப்பட்ட படக்குழுவினரையும் அதிகாரபூர்வமாக அறிவிக்கவுள்ளார்கள்.