நவம்பர் 25-ல் வெளியாகிறது நரகாசூரன் டீஸர்

கார்த்திக் நரேன் இயக்கத்தில் உருவாகியுள்ள 'நரகாசூரன்' படத்தின் டீஸர், நவம்பர் 25-ம் தேதி வெளியாகவுள்ளது.

'நரகாசூரன்' படத்தின் படப்பிடிப்பை திட்டமிட்டபடி 41 நாட்களில் முடித்தத்ற்கு தயாரிப்பாளர்களில் ஒருவரான கவுதம் மேனன் பாராட்டியிருந்தார். தற்போது அதன் இறுதிக்கட்டப் பணிகள் மும்முரமாக நடைபெற்று வருகின்றன.

இந்நிலையில், நவம்பர் 25-ம் தேதி 'நரகாசூரன்' படத்தின் டீஸர் வெளியிடப்படும் என படக்குழு அதிகாரபூர்வமாக அறிவித்து ஆச்சரியத்தில் ஆழ்த்தியிருக்கிறது.

சந்தீப் கிஷன், ஆத்மிகா, அரவிந்த்சாமி, ஸ்ரேயா மற்றும் இந்திரஜித் சுகுமாரன் உள்ளிட்ட பலர் நடித்திருக்கும் இப்படத்தை முழுக்க ஊட்டியில் காட்சிப்படுத்தி இருக்கிறார் கார்த்திக் நரேன்.

அடுத்தாண்டு கோடை விடுமுறைக்கு வெளியிட முடிவு செய்துள்ளது படக்குழு. தமிழ், மலையாளம், தெலுங்கு ஆகிய மொழிகளில் இப்படத்தை உருவாக்கவுள்ளார்கள்.