சார்லி சாப்ளின் 2-ம் பாகத்தின் பணிகள் தொடக்கம்

ஷக்தி சிதம்பரம் இயக்கத்தில் பிரபுதேவா நடிக்க 'சார்லி சாப்ளின்' 2-ம் பாகத்தின் பணிகள் தொடங்கப்பட்டுள்ளன.

2002-ம் ஆண்டு பிரபு, பிரபுதேவா, அபிராமி, காயத்ரி ரகுராம், லிவிங்ஸ்டன் உள்ளிட்ட பலர் நடிப்பில் வெளியான படம் 'சார்லி சாப்ளின்'. ஷக்தி சிதம்பரம் இயக்கத்தில் வெளியான இப்படம் வசூல் ரீதியில் வரவேற்பைப் பெற்றது.

தற்போது அதன் 2-ம் பாகம் திட்டமிடப்பட்டு முதற்கட்ட பணிகள் தொடங்கப்பட்டுள்ளன. ஷக்தி சிதம்பரம் இயக்கவுள்ள இப்படத்திலும் பிரபுதேவா நாயகனாக நடிக்க ஒப்பந்தம் செய்யப்பட்டு இருக்கிறார். தான்யா மற்றும் நிக்கி கல்ரானி நாயகிகளாக ஒப்பந்தம் செய்யப்பட்டு இருக்கிறார்கள்.

அம்மா கிரியேஷன்ஸ் நிறுவனம் தயாரிக்கவுள்ள இப்படத்தின் படப்பிடிப்பு நவம்பர் 9-ம் தேதி கோவாவில் துவங்கவுள்ளது. அம்ரிஷ் இசையமைப்பாளராக பணிபுரியவுள்ளார்.