நல்ல சினிமா வெல்லும்: அறம் படம் குறித்து அமலாபால் கருத்து

நல்ல சினிமா முக்கியம்.. அது வெல்லும் என்பது நிரூபணமாகிவிட்டது என்று அமலாபால் தனது ட்விட்டர் பக்கத்த்தில் தெரிவித்திருக்கிறார்.

கோபி நயினார் இயக்கத்தில் நயன்தாரா நடிப்பில் வெளியாகியுள்ள படம் 'அறம்'. கே.ஜே.ஆர் ஸ்டூடியோஸ் நிறுவனம் தயாரித்திருக்கும் இப்படத்தை ட்ரைடண்ட் ஆர்ட்ஸ் நிறுவனம் வெளியிட்டு இருக்கிறது.

விமர்சன ரீதியாக இப்படத்துக்கு பெரும் வரவேற்பு கிடைத்திருக்கிறது. பல்வேறு திரையுலக பிரபலங்களும் இப்படக்குழுவுக்கு பாராட்டு தெரிவித்து வருகிறார்கள்.

இந்நிலையில் 'அறம்' குறித்து அமலாபால் தனது ட்விட்டர் பக்கத்தில் கூறியிருப்பதாவது:

நல்ல சினிமா முக்கியம்.. அது வெல்லும் என்பது நிரூபணமாகிவிட்டது! நயன்தாரா மற்றும் இயக்குநர் கோபி நயினாருக்கு வாழ்த்துகள். கதாநாயகர்களுக்காக மசாலாக் கதைகளை எடுத்து சீர்கெட்டுப் போயிருக்கும் திரைத்துறையில், அறம் திரைப்படம், அத்தகைய ஃபார்முலா எல்லாம் பொய் என நிரூபித்திருக்கிறது. நல்ல சினிமா முக்கியம், நல்ல கதைகள் முக்கியம், நல்ல நடிப்பு முக்கியம்!

இவ்வாறு அவர் தெரிவித்திருக்கிறார்.