திரையுலகில் நாயகியாக ரம்யா அறிமுகம்

தமிழ்த் திரையுலகில் சமுத்திரக்கனி நாயகனாக நடிக்கும் புதிய படத்தில் ரம்யா நாயகியாக நடிக்க ஒப்பந்தம் செய்யப்பட்டுள்ளார்.

மணிரத்னம் இயக்கத்தில் வெளியான 'ஓ காதல் கண்மணி' படத்தின் முக்கிய கதாபாத்திரத்தில் நடித்தவர் ரம்யா. அதனைத் தொடர்ந்து நல்ல வாய்ப்புக்காக காத்திருந்தார். இடையே உடற்பயிற்சியில் கவனம் செலுத்தி, பல்வேறு பரிசுகளை வென்று வருகிறார்.

இந்நிலையில், 'உதயம் NH4’, 'புகழ்' படங்களை இயக்கிய மணிமாறன் இயக்கத்தில் உருவாகவுள்ள படத்தின் நாயகியாக ரம்யா ஒப்பந்தம் செய்யப்பட்டு இருக்கிறார். இதில் சமுத்திரக்கனி நாயகனாக நடிக்கவுள்ளார். வேல்ராஜ் ஒளிப்பதிவு செய்யும் இப்படத்தை வெற்றிமாறன் தயாரிக்கவுள்ளார்.

விரைவில் படப்பிடிப்பு தொடங்கவுள்ள இப்படத்திற்கு 'சங்கத்தலைவன்' என்று பெயரிட்டு இருக்கிறார்கள்.