நவம்பர் 17-ம் தேதி தீரன் அதிகாரம் ஒன்று வெளியாகிறது

வினோத் இயக்கத்தில் கார்த்தி நடித்திருக்கும் 'தீரன் அதிகாரம் ஒன்று' நவம்பர் 17-ம் தேதி வெளியாகும் என படக்குழு அதிகாரப்பூர்வமாக அறிவித்துள்ளது.

தீபாவளி தினத்தன்று வெளியிட்டால் 5 நாட்கள் வசூல் கிடைக்கும் என்று திட்டமிட்டு பல்வேறு படங்கள் குவிந்தன. அதில் 'தீரன் அதிகாரம் ஒன்று' படமும் அடங்கும். தற்போது அதிகமான படங்கள் வருகையால், நவம்பர் 17-ம் தேதி வெளியாகும் என படக்குழு அதிகாரப்பூர்வமாக அறிவித்துள்ளது.

செப்டம்பர் 27-ம் தேதி டீஸர், அக்டோபர் 17-ம் தேதி ட்ரெய்லர், நவம்பர் 17-ம் தேதி பட வெளியீடு என்று 'தீரன் அதிகாரம் ஒன்று' படக்குழு அறிவித்துள்ளது.

'சதுரங்க வேட்டை' வினோத் இயக்கத்தில் கார்த்தி, ரகுல் ப்ரீத் சிங் உள்ளிட்ட பலர் நடிப்பில் உருவாகியுள்ள படம் 'தீரன் அதிகாரம் ஒன்று'. இதன் படப்பிடிப்பு முடிந்து இறுதிக்கட்டப் பணிகள் நடைபெற்று வருகின்றன. எஸ்.ஆர்.பிரபு இப்படத்தை தயாரித்திருக்கிறார்.