மீண்டும் தொடங்கப்படும் எனை நோக்கி பாயும் தோட்டா படப்பிடிப்பு

கவுதம் மேனன் - தனுஷ் இணைப்பில் உருவாகி வரும் 'எனை நோக்கி பாயும் தோட்டா' படத்தின் படப்பிடிப்பை டிசம்பரில் மீண்டும் தொடங்க படக்குழு முடிவு செய்திருக்கிறது.

கவுதம் மேனன் இயக்கத்தில் தனுஷ், மேகா ஆகாஷ் நடிப்பில் உருவாகி வரும் படம் 'எனை நோக்கி பாயும் தோட்டா'. ஒன்றாக எண்டர்டையின்மண்ட் மற்றும் எஸ்கேப் ஆர்டிஸ்ட் நிறுவனம் இணைந்து இப்படத்தை தயாரித்து வருகின்றன.

இப்படத்தின் இறுதிகட்ட படப்பிடிப்பு நிறுத்தி வைக்கப்பட்டுள்ளது. இப்படத்தின் இசையமைப்பாளர் யார் என்பதை ரகசியமாக வைத்திருந்தது படக்குழு. சமீபத்தில் தர்புகா சிவா தான் இசையமைப்பாளர் என்று அதிகாரப்பூர்வமாக அறிவித்தது.

இந்நிலையில், தற்போது 'எனை நோக்கி பாயும் தோட்டா' படப்பிடிப்பை மீண்டும் தொடங்க திட்டமிட்டு இருக்கிறார்கள். இதற்கான படப்பிடிப்பு இடங்கள் தேர்வு மும்முரமாக நடைபெற்று வருகின்றன. டிசம்பருக்குள் ஒட்டுமொத்த படப்பிடிப்பையும் முடித்து, பிப்ரவரியில் வெளியிடலாம் என்று முடிவு செய்திருக்கிறது படக்குழு.