டிசம்பர் 29-ம் தேதி வெளியாகிறது பலூன்

ஜெய், அஞ்சலி நடிப்பில் உருவாகியுள்ள 'பலூன்', டிசம்பர் 29-ம் தேதி வெளியாகும் என ஆரோ சினிமாஸ் தெரிவித்துள்ளது.

புதுமுக இயக்குநர் சினிஷ் இயக்கத்தில் உருவாகி வரும் படம் 'பலூன்'. மொத்த படப்பிடிப்பும் முடிந்து, இறுதிக்கட்டப் பணிகளில் தீவிரம் காட்டி வருகிறது படக்குழு. இப்படத்தின் வெளியீட்டு உரிமையை ஆரோ சினிமாஸ் கைப்பற்றியது.

பல சமயங்களில் இப்படத்தின் வெளியீட்டு தேதி அறிவிக்கப்பட்டு தள்ளிவைக்கப்பட்டது. தற்போது டிசம்பர் 29-ம் தேதி வெளியாகும் என ஆரோ சினிமாஸ் தெரிவித்துள்ளது.

ஜெய், அஞ்சலி, ஜனனி ஐயர் உள்ளிட்ட பலர் நடிப்பில் உருவாகியுள்ள 'பலூன்' படத்துக்கு யுவன் இசையமைத்துள்ளார். இப்படத்தின் போஸ்டர்கள், டீஸர்கள் ஆகியவை சமூக வலைதளத்தில் பெரும் வரவேற்பைப் பெற்றுள்ளது குறிப்பிடத்தக்கது.