டிசம்பர் 8-ம் தேதி வெளியாகிறது சத்யா

சிபிராஜ் நடிப்பில் உருவாகியுள்ள 'சத்யா', டிசம்பர் 8-ம் தேதி வெளியாகும் என படக்குழு அதிகாரப்பூர்வமாக அறிவித்திருக்கிறது.

'சைத்தான்' படத்தின் மூலம் தமிழ் திரையுலகுக்கு இயக்குநராக அறிமுகமானவர் பிரதீப் கிருஷ்ணமூர்த்தி. அதனைத் தொடர்ந்து சிபிராஜ் தயாரிப்பில் உருவாகியுள்ள 'சத்யா' படத்தை இயக்கி இருக்கிறார். இப்படம் தெலுங்கில் புதுமுகங்கள் நடிப்பில் வெளியாகி பெரும் வரவேற்பைப் பெற்ற 'சனம்' படத்தின் தமிழ் ரீமேக்காகும்.

சிபிராஜ், ரம்யா நம்பீசன், வரலெட்சுமி சரத்குமார், சதீஷ் உள்ளிட்ட பலர் நடிப்பில் உருவாகியுள்ள இப்படத்தின் ஒட்டுமொத்த பணிகளும் முடிவுற்று, சரியான வெளியீட்டு தேதிக்காக காத்திருந்தது படக்குழு.

நவம்பர் 24-ம் தேதி வெளியீடு என அறிவித்திருந்தார்கள். ஆனால், பல்வேறு படங்களின் வெளியீட்டால் டிசம்பர் 8-ம் தேதிக்கு மாற்றியிருக்கிறார்கள். தற்போது திரையரங்குகள் அனைத்துமே ஒப்பந்தம் செய்யப்பட்டு, போஸ்டர்கள் வெளியிடப்பட்டுள்ளதால் இம்முறை வெளியீட்டு தேதி உறுதிப்படுத்தப்பட்டுள்ளது.