அரசியலில் வெற்றி பெறுவேன்: ட்விட்டரில் கமல் சூசகம்

அண்மைக்காலமாக கமல் தனது அரசியல் பிரவேசம் குறித்து சூசகமாக பல்வேறு கருத்துகளை தெரிவித்து வருகிறார். இந்நிலையில் காந்தி ஜெயந்தியை முன்னிட்டு அவர் நேற்று தனது ட்விட்டர் பக்கத்தில் வெளியிட்ட கருத்து, தான் அரசியலுக்கு வந்தால் நிச்சயம் வெற்றி பெறுவேன் என்று அர்த்தம் தரும் வகையில் அமைந்துள்ளது.

அதில் அவர் கூறியிருப்பதாவது: முதலில் அவர்கள் உங்களைப் புறக்கணிப்பார்கள், பிறகு சிரிப்பார்கள், பிறகு சண்டைக்கு வருவார்கள் கடைசியில் நீங்கள் வெற்றி பெறுவீர்கள் - காந்தியின் இந்த வார்த்தைகள் நமக்கு இப்போது தேவைப்படும் வலிமையைத் தருகின்றன. இவ்வாறு அவர் குறிப்பிட்டுள்ளார்.