காரைக்குடியில் கலகலப்பு 2 படப்பிடிப்பு தொடக்கம்

சுந்தர்.சி இயக்கத்தில் உருவாகும் 'கலகலப்பு 2' படத்தின் படப்பிடிப்பு காரைக்குடியில் தொடங்கப்பட்டுள்ளது.

டிசம்பரில் 'சங்கமித்ரா' படப்பிடிப்பு தொடங்குவதற்கு முன்பாக, அக்டோபரில் 'கலகலப்பு 2' படப்பிடிப்பு தொடங்க சுந்தர்.சி திட்டமிட்டு வந்தார். அவ்னி சினி மேக்ஸ் சார்பில் குஷ்பு தயாரிக்க முன்வந்தார்.

தற்போது 'கலகலப்பு 2' படப்பிடிப்பு காரைக்குடியில் தொடங்கப்பட்டுள்ளது. ஜீவா, ஜெய், கத்ரீன் தெரசா மற்றும் நிக்கி கல்ரானி ஆகியோர் நடிக்கவுள்ள இப்படத்துக்கு ஹிப் ஹாப் ஆதி இசையமைப்பாளராக பணிபுரியவுள்ளார்.

'கலகலப்பு' முதல் பாகத்தில் நாயகனாக நடித்த சிவா, இரண்டாம் பாகத்தில் முக்கிய கதாபாத்திரத்தில் நடிக்க ஒப்பந்தம் செய்யப்பட்டுள்ளார். அவரை மட்டுமே 2-ம் பாகத்தில் தொடர சுந்தர்.சி முடிவு செய்திருப்பது குறிப்பிடத்தக்கது.

'கலகலப்பு 2' முடித்துவிட்டு 'சங்கமித்ரா' பணிகளைத் தொடங்க சுந்தர்.சி திட்டமிட்டு இருக்கிறார். இப்படத்தை தேனாண்டாள் பிலிம்ஸ் நிறுவனம் தயாரிக்கவுள்ளது.