மெர்சல் படத்துக்கு கமல்ஹாசன் பாராட்டு

விஜய் நடிப்பில் வெளியாகியுள்ள 'மெர்சல்' படத்தைப் பார்த்துவிட்டு கமல்ஹாசன் பாராட்டு தெரிவித்திருக்கிறார்.

அட்லி இயக்கத்தில் விஜய் நடிப்பில் வெளியாகியிருக்கும் படம் 'மெர்சல்'. இப்படத்தில் இடம்பெற்றுள்ள ஜிஎஸ்டி தொடர்பான வசனங்களுக்கு பாஜக கட்சித் தலைவர்கள் கடும் ஆட்சேபம் தெரிவித்து வருகிறார்கள். இதனால் பெரும் சர்ச்சை உருவாகியுள்ளது.

'மெர்சல்' படத்தின் காட்சிகளை நீக்கக் கூடாது என்று அப்படத்துக்கு ஆதரவாக கமல்ஹாசன் தனது ட்விட்டர் பக்கத்தில் தெரிவித்திருந்தார். இவ்வேளையில் கமலுக்கு பிரத்யேகமாக 'மெர்சல்' திரைப்படம் திரையிட்டு காட்டப்பட்டது.

அப்படம் முடிந்தவுடன் 'ரொம்ப நன்றாக இருக்கிறது' என்று படக்குழுவினருக்கு பாராட்டு தெரிவித்திருக்கிறார். இத்திரையிடலில் கமலுடன் விஜய், இயக்குநர் அட்லி, தயாரிப்பாளர் முரளி, ஹேமா ருக்மணி ஆகியோர் இருந்தனர்.