'கிங்ஸ் மேன்' திரைப்பட வெளியீட்டை ஒத்திவைத்த டிஸ்னி

டிஸ்னி நிறுவனம் தயாரித்திருக்கும் 'தி கிங்ஸ் மேன்' திரைப்படத்தின் வெளியீடு அடுத்த வருடத்துக்கு ஒத்தி வைக்கப்பட்டுள்ளது.

2014-ம் ஆண்டு 'கிங்ஸ்மேன்: தி சீக்ரெட் சர்வீஸ்' திரைப்படம் வெளியானது. 2017-ம் ஆண்டு இதன் தொடர்ச்சியான 'கிங்ஸ்மேன்: தி கோல்டன் சர்க்கிள்' திரைப்படம் வெளியானது. இதே பெயரைக் கொண்ட காமிக்ஸின் அடிப்படையில் உருவாகியுள்ள இந்தப் படங்களின் அடுத்த பாகம் செப்டம்பர் 18, 2020 அன்று வெளியாகவிருந்தது.

தற்போது அடுத்த வருடம் பிப்ரவரி மாதம் 26-ம் தேதி வெளியாகும் என்று தெரிவிக்கப்பட்டுள்ளது. இந்தப் படத்தின் வெளியீடு ஒத்திப்போவது இது முதல் முறை அல்ல.

மாத்தியூ வான் இயக்கியிருக்கும் இந்தப் படத்தின் முதல் இரண்டு திரைப்படங்களுமே பெரிய வெற்றி பெற்றவை. முதலில் 20-த் சென்ச்சுரீ ஃபாக்ஸ் நிறுவனத்தின் தயாரிப்பாக இருந்தாலும், அந்நிறுவனத்தை டிஸ்னி வாங்கிவிட்டதால் தற்போது டிஸ்னியின் தயாரிப்பாக வெளிவருகிறது.

அடுத்த பாகம் 1990-களில் நடக்கும் முன் கதையாக எடுக்கப்பட்டுள்ளது. இந்தப் படத்தில் ரால்ஃப் ஃபையன்ஸ், கெம்மா அர்டெர்டன், ஜிமோன் ஹோன்ஸோ ஆகியோர் நடித்துள்ளனர்.