மறைந்த நடிகை ஸ்ரீதேவி வேடத்தில் நடிக்கிறார் வித்யா பாலன்?

ஸ்ரீதேவியின் வாழ்க்கை வரலாறு படத்தில், ஸ்ரீதேவியாக வித்யா பாலன் நடிக்கலாம் என்கிறார்கள்.

தமிழகத்தில் பிறந்து, தென்னிந்திய மொழிப் படங்களில் நடித்தவர் ஸ்ரீதேவி. பாலிவுட் படங்களில் நடிக்கத் தொடங்கிய பிறகு, மும்பையிலேயே செட்டிலானார். போனி கபூரைத் திருமணம் செய்துகொண்ட ஸ்ரீதேவிக்கு, ஜான்வி கபூர் மற்றும் குஷி கபூர் என இரண்டு பெண் குழந்தைகள் உள்ளனர்.

சமீபத்தில், துபாயில் ஒரு திருமண நிகழ்ச்சியில் பங்கேற்பதற்காக சென்ற ஸ்ரீதேவி, தான் தங்கியிருந்த ஹோட்டலின் பாத் டப்பில் மூழ்கி உயிரிழந்தார். பின்னர், அவர் உடல் மும்பைக்கு கொண்டு வரப்பட்டு தகனம் செய்யப்பட்டது.

இந்நிலையில், ஸ்ரீதேவின் வாழ்க்கை வரலாறு படமாக இருக்கிறது. பாலிவுட் இயக்குநரும், தயாரிப்பாளருமான ஹன்சால் மேத்தா இந்தப் படத்தை இயக்கப் போகிறார். ஸ்ரீதேவி வேடத்தில் வித்யா பாலனை நடிக்க வைக்க அவர் முடிவு செய்துள்ளதாகத் தெரிகிறது.