சினிமாவில் இருந்து விலகவில்லை; தவறாக புரிந்து கொண்டார்கள்: விக்ராந்த் மாஸே விளக்கம்

இந்தி நடிகர் விக்​ராந்த் மாஸே, ‘12த் ஃபெயில்’ படம் மூலம் கவனிக்​கப்​பட்​டார். ‘செக்டர் - 36’, ‘த சபர்மதி ரிப்​போர்ட்’ உட்பட பல படங்​களில் நடித்​துள்ள அவர், நடிப்​பிலிருந்து விலகு​வதாக அவர் பதிவை மேற்​கோள்​காட்டி செய்தி வெளி​யானது. அவர் வெளி​யிட்ட பதிவில், “கடந்த சில வருடங்கள் அற்புதமாக அமைந்தன. எனக்கு ஆதரவளித்​தவர்​களுக்கு நன்றி. ஒரு கணவனாக, தந்தை​யாக, மகனாக இப்போது குடும்பத்​தைக் கவனிக்க முடி​வெடுத்​துள்ளேன்.

அடுத்த ஆண்டில் (2025) இறுதியாக ஒருமுறை சந்திப்​போம்” எனத் தெரி​வித்​திருந்​தார். அவர் சினி​மாவை விட்டு விலக முடிவு செய்​துள்ள​தாக​வும் அவர் தனது முடிவை மாற்ற வேண்​டும் என்றும் திரை​யுல​கினரும், ரசிகர்​களும் கோரிக்கை வைத்​தனர். இந்நிலை​யில், தான் நடிப்பை விட்டு விலக​வில்லை என்று விக்​ராந்த்மாஸே தெரி​வித்​துள்ளார். மேலும், “என் உடல்​நிலை காரண​மாக​வும் குடும்பத்​துக்​காக​வும் நீண்ட இடைவெளி தேவை. நான் கூறியதை தவறாகப் புரிந்​து​கொண்​டார்​கள்” என்று கூறியுள்ளார்​.