உலக அளவில் ‘லைகர்’ படத்தின் முதல் நாள் வசூல் ரூ.33 கோடி

விஜய் தேவரகொண்டா நடிப்பில் வெளியாகியுள்ள 'லைகர்' திரைப்படம் உலக அளவில் ரூ.33.12 கோடி வசூலித்துள்ளதாக அதிகாரபூர்வமாக அறிவிக்கப்பட்டுள்ளது.

இயக்குநர் பூரி ஜெகந்நாத் இயக்கத்தில் விஜய் தேவரகொண்டா நடித்துள்ள படம் 'லைகர்'. இந்தப் படத்தில் நாயகியாக அனன்யா பாண்டே நடித்துள்ளார். தவிர ரம்யா கிருஷ்ணன், மைக் டைசன், ரோனித் ராய் உள்ளிட்ட பலர் நடித்துள்ள இப்படத்தை கரண் ஜோஹரின் தர்மா புரொடக்‌ஷன் நிறுவனம் தயாரித்தது. பான் இந்தியா முறையில் நேற்று வெளியான இப்படம் பெரும்பாலும் எதிர்மறை விமர்சனங்களையே பெற்றது.

இந்நிலையில், முதல்நாள் வசூலாக உலகம் முழுவதும் 'லைகர்' திரைப்படம் ரூ.33.12 கோடி ரூபாயை வசூலித்துள்ளதாக தர்மா புரொடக்‌ஷன் நிறுவனத்தின் அதிகாரபூர்வ ட்விட்டர் பக்கத்தில் தெரிவிக்கப்பட்டுள்ளது. படம் தெலுங்கில் மட்டும் ரூ.15 கோடியை வசூலித்துள்ளதாக தகவல் வெளியாகியுள்ளது.

The #LigerHuntBegins at the box office delivering a solid punch on day 1!#Liger in cinemas now!

Book your tickets here -
https://t.co/4CxUF4eB2v
https://t.co/4UzMz6tRUZ

___@MikeTyson @TheDeverakonda @ananyapandayy @karanjohar #PuriJagannadh @Charmmeofficial pic.twitter.com/PSNBj5H4Eo

— Dharma Productions (@DharmaMovies) August 26, 2022