நடன இயக்குநர் ஜானி மாஸ்டர் ஹீரோ ஆனார்

நடன இயக்குநர் ஜானி மாஸ்டர் ஹீரோவாக நடிக்கும் படம், மூன்று மொழிகளில் உருவாகிறது. தனுஷின் ‘மாரி 2’ படத்தின் ‘ரவுடி பேபி’, ‘பட்டாஸ்’ படத்தின் ‘ஜில் பிரோ’, ‘திருச்சிற்றம்பலம்’ படத்தின் ‘மேகம் கருக்காதா’ உட்பட பல பாடல்களுக்கு நடனம் அமைத்தவர் ஜானி மாஸ்டர். தெலுங்கில் ‘அலா வைகுந்தபுரம்லோ’ படத்தில் இவர் நடனம் அமைத்த ‘புட்ட பொம்மா’ பாடல் சூப்பர் ஹிட்டானது. தமிழ், தெலுங்கு, கன்னடப் படங்களுக்கு நடனம் அமைத்து வரும் இவர், இப்போது ஹீரோவாகி இருக்கிறார்.

இவர் நடிக்கும் படத்துக்கு, ‘யதா ராஜா ததா பிரஜா’ என்று தலைப்பு வைத்துள்ளனர். இதில் தெலுங்கு நடிகர் விகாஸ் மற்றொரு ஹீரோவாக நடிக்கிறார். சிருஷ்டி வர்மா நாயகி. இந்தப் படத்தை னிவாஸ் விட்டலா இயக்குகிறார். தமிழ், தெலுங்கு, கன்னட மொழிகளில் உருவாகிறது. ஒம் மூவி கிரியேஷன்ஸ் மற்றும் கிருஷ்ணா மூவி கிரியேஷன்ஸ் இணைந்து தயாரிக்கும் இந்தப் படத்துக்கு சுனோஜ் வேலாயுதன் ஒளிப்பதிவு செய்கிறார். ரதன் இசை அமைக்கிறார். நடிகர் சர்வானந்த் கிளாப் அடித்து இதன் படப்பிடிப்பைத் தொடங்கி வைத்தார்.