பிக் பாஸ் சீசன் - 5 தொடங்கியது: போட்டியாளர்களின் பட்டியல் விவரம்

பிக் பாஸ் சீசன் - 5 தொடங்கப்பட்டுள்ளது. இதில் போட்டியாளர்கள் யார் யார் என்ற விவரமும் வெளியிடப்பட்டுள்ளது.

2017-ம் ஆண்டு தொடங்கி, ஒவ்வொரு ஆண்டும் பிக் பாஸ் நிகழ்ச்சியை ஜூன் அல்லது ஜூலை மாதத்தில் ஒளிபரப்பி வந்தது விஜய் டிவி. இந்த ஆண்டு கரோனா அச்சுறுத்தலால் அக்டோபர் மாதத்தில் தொடங்கப்பட்டுள்ளது. சில தினங்களுக்கு முன்புதான் பிக் பாஸ் 5-வது சீசனுக்கான விளம்பரம் வெளியானது.

இன்று (அக்டோபர் 3) முதல் பிக் பாஸ் சீசன் - 5 நிகழ்ச்சி விஜய் டிவியில் ஒளிபரப்பாகத் தொடங்கியுள்ளது. இந்த 5 சீசனுக்கும் கமல்தான் தொகுப்பாளர்.

இந்த ஆண்டும் பிக் பாஸ் போட்டியாளர்கள் குறித்துப் பலருடைய பெயர்கள் சமூக வலைதளத்தில் வெளியாகி வந்தன.

இந்நிலையில் இம்முறை பிக் பாஸ் போட்டியில் 18 போட்டியாளர்கள் பங்கெடுக்கிறார்கள் என்பது உறுதியாகியுள்ளது. அவர்களின் பட்டியல் இதோ:

* கானா கலைஞர் இசைவாணி

* ராஜு ஜெயமோகன்

* மதுமிதா

* அபிஷேக் ராஜா

* நமீதா மாரிமுத்து

* பிரியங்கா

*அபினய் வாடி

* சின்ன பொண்ணு

* பவ்னி

* நதியா சங்

* வருண்

* இமான் அண்ணாச்சி

* இக்கி பெர்ரி

* ஸ்ருதி

*அக்‌ஷரா

* தாமரை செல்வி

* சிபி சந்திரன்

* நிரூப் நந்தகுமார்