ஜன.10-ம் தேதி வெளியாகிறது ‘வணங்கான்’!

ஜனவரி 10-ம் தேதி ‘வணங்கான்’ படம் வெளியாகும் என படக்குழு அதிகாரபூர்வமாக அறிவித்துள்ளது.

கடந்த சில தினங்களாக ‘வணங்கான்’ படம் பொங்கலுக்கு வெளியாகாது என தகவல் பரவியது. ‘விடாமுயற்சி’, ‘கேம் சேஞ்சர்’ உள்ளிட்ட படங்கள் வெளியாவதால், இதற்கு திரையரங்குகள் கிடைக்காது எனக் கூறப்பட்டது. தற்போது இதற்கு முற்றுப்புள்ளி வைக்கும் விதமாக ஜனவரி 10-ம் தேதி ‘வணங்கான்’ வெளியாகும் என படக்குழு அதிகாரபூர்வமாக அறிவித்திருக்கிறது.

பாலா இயக்கத்தில் அருண் விஜய், ரோஷிணி பிரகாஷ், சமுத்திரக்கனி, மிஷ்கின் உள்ளிட்ட பலர் நடிப்பில் உருவாகியுள்ள படம் ‘வணங்கான்’. முதலில் சூர்யா நடித்து தயாரித்து வந்தார். பின்பு ஏற்பட்ட கருத்து வேறுபாடால் அருண் விஜய்யை வைத்து இயக்கி முடித்துள்ளார் பாலா.

இப்படத்தினை சுரேஷ் காமாட்சி தயாரித்துள்ளார். பாடல்களில் ஜி.வி.பிரகாஷும், பின்னணி இசையில் சாம் சி.எஸ் ஆகியோரும் பணிபுரிந்துள்ளனர். இதன் விளம்பரப்படுத்தும் பணிகள் மும்முரமாக நடைபெற்று வருகின்றன.

#Vanangaan is arriving! Gear up to experience @arunvijayno1's masterpiece, releasing in theaters near you on 10-01-2025 ! @arunvijayno1 's #Vanangaan @IyakkunarBala 's #Vanangaan

A @gvprakash Magic

@ @vhouseofficial @roshiniprakash_@iam_ridhaa @thondankani… pic.twitter.com/Znh5fo8E1A

— sureshkamatchi (@sureshkamatchi) December 30, 2024