மிர்ச்சி சிவாவின் ‘சூது கவ்வும் 2’ டிசம்பர் 13-ல் ரிலீஸ்! 

சென்னை: மிர்ச்சி சிவா நடித்துள்ள ‘சூது கவ்வும் 2’ திரைப்படம் வரும் டிசம்பர் 13-ம் தேதி திரையரங்குகளில் வெளியாகும் என அதிகாரபூர்வமாக அறிவிக்கப்பட்டுள்ளது.

நலன் குமாரசாமி இயக்கத்தில் விஜய் சேதுபதி நடித்து 2013-ம் ஆண்டு வெளியான படம், ‘சூது கவ்வும்’. பாபி சிம்ஹா, சஞ்சிதா ஷெட்டி, அசோக் செல்வன், ரமேஷ் திலக், கருணாகரன், முனீஸ்காந்த் உட்பட பலர் நடித்திருந்தனர். திருக்குமரன் என்டெர்டெயின்மென்ட் சார்பில் சி.வி.குமார் தயாரித்திருந்தார். இந்தப் படம் ரசிகர்களிடையே வரவேற்பைப் பெற்றது. இந்தப் படத்தின் இரண்டாம் பாகம் 11 வருடத்துக்குப் பிறகு இப்போது உருவாகியிருக்கிறது. முதல் பாகத்தைத் தயாரித்த சி.வி.குமார் இதையும் தயாரித்திருக்கிறார்.

இந்தப் படத்துக்கு ‘சூது கவ்வும் 2: நாடும் நாட்டு மக்களும்’ என்று தலைப்பு வைத்துள்ளனர். மிர்ச்சி சிவா, ராதா ரவி, வாகை சந்திரசேகர், எம்.எஸ்.பாஸ்கர், ஹரீஷா, அருள்தாஸ் உள்ளிட்ட பலர் நடித்துள்ளனர். யங் மங் சங்' படத்தை இயக்கிய அர்ஜுன் இயக்கியுள்ளார். இந்தப் படத்தின் வெளியீட்டு தேதி நீண்ட நாட்களாக தாமதமாகி வந்தது. இந்நிலையில் மிர்ச்சி சிவா பேசும் காமெடியான வீடியோவை பகிர்ந்து படத்தின் ரிலீஸ் தேதியை படக்குழுவினர் அறிவித்துள்ளனர். அதன்படி படம் வரும் டிசம்பர் 12-ம் தேதி திரையரங்குகளில் வெளியாக உள்ளது.

Witness the madness of the gang in theatres on 13th December. #SoodhuKavvum2 Releasing on 13th December

Produced by C V Kumar & S Thangaraj

Share & Support us friends pic.twitter.com/THdAQnFvav

— C V Kumar (@icvkumar) November 20, 2024