'கல்கி 2898 ஏடி' 2-ம் பாகம் 60 சதவீத படப்பிடிப்பு நிறைவு!

நாக் அஸ்வின் இயக்கத்தில் பிரபாஸ், அமிதாப் பச்சன், கமல்ஹாசன், தீபிகா படுகோன் உள்ளிட்ட பலர் நடித்துள்ள படம், ‘கல்கி 2898 ஏடி'. வைஜெயந்தி மூவிஸ் தயாரித்துள்ள இந்தப் படம் கடந்த 27-ம் தேதி வெளியாகி வரவேற்பைப் பெற்றுள்ளது. வெளியான 4 நாட்களில் உலகம் முழுவதும் ரூ.550 கோடி வசூலித்துள்ளதாக
தயாரிப்பு நிறுவனம் அறிவித்துள்ளது. இந்நிலையில் இதன் அடுத்த பாகம் குறித்து தயாரிப்பாளர் அஸ்வினி தத் தெரிவித்துள்ளார்.

“கல்கி 2898 ஏடி படத்தின் 2-ம் பாகம் அடுத்த வருடம் வெளியாகும். தேதி முடிவாகவில்லை. அது இன்னும் பிரம்மாண்டமாக இருக்கும். அந்த பாகத்தின் கதையில் கமல்ஹாசனுக்கு முக்கியத்துவம் இருக்கும். 60 சதவிகித படப்பிடிப்பு முடிவடைந்துவிட்டது. முக்கியமான காட்சிகள் மட்டுமே பாக்கி இருக்கின்றன” என்று தெரிவித்துள்ளார்.