ரன்பீர் கபூரின் ‘அனிமல்’ படத்துக்கு ‘ஏ’ சான்றிதழ் - படத்தின் நீளம் 3 மணி நேரம் 21 நிமிடங்கள்

மும்பை: சந்தீப் ரெட்டி வங்கா இயக்கத்தில் ரன்பீர் கபூர், ராஷ்மிகா நடித்துள்ள ‘அனிமல்’ படத்துக்கு மத்திய தணிக்கை வாரியம் ‘ஏ’ சான்றிதழ் வழங்கியுள்ளது. மேலும் இப்படத்தின் ரன்டைம் 3 மணி நேரம் 21 நிமிடங்கள் என்று அறிவிக்கப்பட்டுள்ளது.

‘அர்ஜுன் ரெட்டி’ படத்தின் மூலம் கவனம் பெற்ற இயக்குநர் சந்தீப் ரெட்டி வங்கா அடுத்து பாலிவுட் நடிகர் ரன்பீர் கபூருடன் கைகோத்துள்ளார். இப்படத்துக்கு ‘அனிமல்’ என பெயரிடப்பட்டுள்ளது. இந்தப் படத்தில் ராஷ்மிகா கதாநாயகியாக நடித்துள்ளார். அனில் கபூர், பாபி தியோல், சுரேஷ் ஓப்ராய் உள்ளிட்ட பலர் நடித்துள்ளனர். மனன் பரத்வாஜ் இசையமைத்துள்ளார். டி- சிரீஸ், சினி ஒன் நிறுவனங்கள் இணைந்து தயாரித்துள்ள இப்படத்துக்கு அமீத் ராய் ஒளிப்பதிவு செய்கிறார்.

ஆகஸ்ட் 11-ம் தேதி வெளியாகும் என அறிவிக்கப்பட்ட இப்படம் இறுதிகட்ட பணிகள் தாமதமானதால் டிசம்பர் 1-ம் தேதிக்கு தள்ளிவைக்கப்பட்டது. இந்த நிலையில், இப்படத்தின் ரன்டைம் 3 மணி நேரம் 21 நிமிடங்கள் என்றும், இப்படத்துக்கு மத்திய தணிக்கை வாரியம் ‘ஏ’ சான்றிதழ் வழங்கியுள்ளதாகவும் இயக்குநர் சந்தீப் ரெட்டி வங்கா தனது எக்ஸ் பக்கத்தில் தெரிவித்துள்ளார்.

Censor rating for ANIMAL is A :-)
3 hour 21 minutes 23 seconds & 16 frames is the Runtime :-)#AnimalTheFilm
Releasing on Dec 1st@VangaPictures@TSeries

— Sandeep Reddy Vanga (@imvangasandeep) November 22, 2023