அக்னி வீரர் பணி - மார்ச் 15-ம் தேதிக்குள் விண்ணப்பிக்க அழைப்பு

திருவண்ணாமலை: சென்னை ராணுவ தலைமையக ஆள்சேர்ப்பு இயக்குநர் கர்னல் மோனிஷ் குமார் பாத்ரே, திருவண்ணாமலையில் செய்தியாளர்களிடம் நேற்று கூறியதாவது:

இந்திய ராணுவத்தில் `அக்னி வீரர்' திட்டத்தில் பதினேழரை வயது முதல் 21 வயது வரையுள்ள ஆண், பெண்கள் சேரலாம். திருவண்ணாமலை, வேலூர், திருப்பத்தூர், ராணிப்பேட்டை, விழுப்புரம், கள்ளக்குறிச்சி, சென்னை, கடலூர், திருவள்ளூர், காஞ்சிபுரம் உள்ளிட்ட 11 மாவட்டங்களைச் சேர்ந்த இளைஞர், இளம்பெண்கள், மார்ச் 15-ம் தேதி வரை www.joinindianarmy.nic.in என்ற இணையதளத்தில் விண்ணப்பிக்கலாம்.

விண்ணப்பதாரர் 2002 அக்டோபர் 1-ம் தேதி முதல் 2006 ஏப்ரல் 1-ம் தேதிக்குள் சிறப்பு தகுதிகளுக்கு போனஸ் மதிப்பெண் வழங்கப்படும். ராணுவ ஆள்சேர்ப்பு வெளிப்படைத்தன்மையுடன் நடைபெறக் கூடியது.

தகுதி அடிப்படையில் தேர்வு நடைபெறும் என்பதால்,யாரிடமும் லஞ்சம் கொடுத்துஏமாற வேண்டாம். இடைத்தரகர்களிடம் எச்சரிக்கையாக இருக்க வேண்டும். இவ்வாறு அவர் கூறினார்.