தமிழக சட்ட பல்கலைக்கழகத்தில் பணியாளர்கள் நேரடி நியமனம்: ஜன.19 விண்ணப்பிக்க கடைசி நாள்

சென்னை: தமிழ்நாடு டாக்டர் அம்பேத்கர் சட்டப் பல்கலைக்கழகத்தின் பதிவாளர் (பொறுப்பு) ரஞ்சித் ஓம்மன் ஆபிரகாம் நேற்று வெளியிட்ட அறிவிப்பில் கூறியிருப்பதாவது: சட்டப் பல்கலைக்கழகத்தில் பேராசிரியர், இணை பேராசிரியர், உதவி பேராசிரியர், உடற்கல்வி இயக்குநர் ஆகிய ஆசிரியர் காலிப்பணியிடங்களுக்கும் தொழில்நுட்ப அலுவலர் (நூலகம்), கண்காணிப்பாளர், சுருக்கெழுத்தர், உதவியாளர் உள்ளிட்ட ஆசிரியர் அல்லாத அலுவலக பணியாளர் காலிப்பணியிடங்களுக்கும் தகுதியான நபர்களிடமிருந்து விண்ணப்பங்கள் வரவேற்கப்படுகின்றன.

ஒவ்வொரு பதவிக்கான கல்வித்தகுதி, வயது வரம்பு உள்ளிட்ட விவரங்களை பல்கலைக்கழகத்தின் இணையதளத்தில் (www.tndalu.ac.in) அறிந்துகொள்ளலாம். இதற்கான விண்ணப்பங்களையும் இந்த இணையதளத்தில் இருந்து பதிவிறக்கம் செய்துகொள்ளலாம். விண்ணப்பிக்க கடைசி நாள் ஜனவரி 19-ம் தேதி ஆகும்.