பிப்.21, 2023 | தங்கம் விலை சவரனுக்கு ரூ.40 குறைவு

சென்னை: சென்னையில் ஆபரணத் தங்கம் விலை இன்று செவ்வாய்க்கிழமை (பிப்.21) சவரனுக்கு ரூ.40 குறைந்து, ரூ.42,200-க்கு விற்பனையாகிறது.

சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலையில் ஏற்ற, இறக்கங்கள் நிலவுகின்றன. கடந்த வாரத்தில் தொடர்ந்து இறங்கி வந்த தங்கம் விலை சனிக்கிழமை உயர்ந்தது. இந்நிலையில், தங்கம் விலை நேற்று சற்று குறைந்திருந்தது. இன்று விலையில் பெரிய மாற்றமின்றி சென்னையில் ஆபரணத் தங்கத்தின் விலை கிராமுக்கு ரூ.5 குறைந்து, ரூ.5,275-க்கு விற்பனையாகிறது. சவரனுக்கு ரூ.40 குறைந்து, ரூ.42,200-க்கு விற்பனையாகிறது.

24 காரட் சுத்த தங்கத்தின் விலை 8 கிராம் ரூ.45,096.00க்கு விற்பனையாகிறது. இதேபோல், ஒரு கிராம் வெள்ளி ரூ.71.70-க்கு விற்பனையாகிறது. ஒரு கிலோ பார் வெள்ளியின் விலை இன்று ரூ.71,700-ஆக இருக்கிறது.