ரோஷிணி நாடார் மல்ஹோத்ரா - இவரைத் தெரியுமா?

$ ஹெச்சிஎல் நிறுவனத்தின் செயல் இயக்குநர் மற்றும் தலைமைச் செயல் அதிகாரி. நிறுவனர் ஷிவ் நாடாரின் மகள்.

$ இந்நிறுவனத்தில் உத்திகள் வகுக்கும் பிரிவுக்கு பொறுப்பு வகிப்பவர்.

$ ஹெச்சிஎல் பிராண்ட் மற்றும் ஷிவ் நாடார் அறக்கட்டளையின் எதிர்கால திட்டங்களை வகுக்கும் பொறுப்பு இவருக்குண்டு. ஹெச்சிஎல் ஹெல்த்கேர் பிரிவுக்கும் தலைமையேற்றுள்ளார். அறக்கட்டளை அறங்காவலர்களில் இவரும் ஒருவர்.

$ பொருளாதாரத்தில் பின்தங்கிய மாணவர்களுக்கான வித்யகியான் பள்ளித் திட்டத்தை உத்தரப் பிரதேசத்தில் செயல்படுத்துவதில் இவருக்கு முக்கிய பங்குண்டு.

$ அமெரிக்காவில் உள்ள நார்த்வெஸ்டர்ன் பல்கலையில் இளங்கலைப் பட்டமும், கெல்லாக்ஸ் வணிகவியல் கல்லூரியில் நிர்வாகவியலில் முதுகலைப் பட்டமும் பெற்றவர்.

$ இங்கிலாந்தின் ஸ்கை நியூஸ், சிஎன்என் அமெரிக்காவில் சில காலம் செய்தித் தயாரிப்பாளராக பணியாற்றியுள்ளார்.

$ இளம் கொடையாளர் மற்றும் அதிகாரம் மிக்க பெண் தொழிலதிபர் உள்ளிட்ட விருதுகளையும் இவர் பெற்றுள்ளார்.