இந்தியாவில் பதிவு செய்யப்பட்ட ஸ்டார்ட் - அப்களின் எண்ணிக்கை 28,979: மக்களவையில் அமைச்சர் தகவல்

இந்தியாவில் இந்த ஆண்டு மார்ச்1-ம் தேதி வரை பதிவு செய்யப்பட்டுள்ள ஸ்டார்ட்-அப்களின் எண்ணிக்கை 28,979 என்று மத்திய தொழில் வர்த்தகத் துறை அமைச்சர் பியூஷ் கோயல் தெரிவித்தார்.

மக்களவையில் எழுத்து மூலமாக அளித்த பதிலில், ஸ்டார்ட்- அப்கள் அதிக எண்ணிக்கையில் மகாராஷ்டிர மாநிலத்தில் (5,477) உள்ளதாகக் குறிப்பிட்டார். இதற்குஅடுத்தபடியாக கர்நாடகா (4,206),டெல்லி (3,740), உத்தரப் பிரதேசம்(2,342), ஹரியாணா (1,635), தெலுங்கானா (1,609), குஜராத் 1,555), தமிழ்நாடு (1,509) உள்ளிட்டமாநிலங்களில் ஸ்டார்ட் அப்கள்செயல்படுவதாகக் குறிப்பிட்டார்.

ஸ்டார்ட் - அப்களுக்கு சிலவரிச் சலுகைகள் அளிக்கப்படுவதாகவும் மார்ச் மாத நிலவரப்படி 3,37,335 பேருக்கு ஸ்டார்ட் அப்கள் மூலம் வேலை அளிக்கப்பட்டுள்ளதாகவும் அவர் குறிப்பிட்டார்.

இந்தியாவில் ஸ்டார்ட் - அப்களை ஊக்குவிப்பதற்காக 14-வதுமற்றும் 15-வது நிதிக் குழு ரூ.10 ஆயிரம் கோடி நிதியை ஒதுக்கியுள்ளதாகவும் அவர் குறிப்பிட்டார்.

செபி-யில் பதிவு செய்யப்பட்ட மாற்று முதலீட்டு நிதியம் மூலம்ரூ.3,123 கோடி நிதி 47 நிறுவனங்களுக்கு அளிக்கப்பட்டுள்ளது. இந்தியா – அமெரிக்கா இடையிலான வர்த்தகப் பேச்சு வார்த்தையில் இந்தியா திறந்த மனதுடன் பேச்சு நடத்துவதாகவும் உள்நாட்டு தொழில் நிறுவனங்களை கருத்தில் கொண்டுதான் ஒப்பந்தங்கள் மேற்கொள்ளப்படும் என்றும்மற்றொரு கேள்விக்கு பதிலளிக்கையில் கோயல் தெரிவித்தார்.