யு.கே.சின்ஹா - இவரைத் தெரியுமா?

$ 2011 பிப்ரவரி முதல் இந்திய பங்கு பரிவர்த்தனை வாரியத்தின் (செபி) தலைவராக இருந்துவருகிறார். கடந்த பிப்ரவரியில் இவரது பதவிக் காலம் முடிந்தாலும் 2016-ம் ஆண்டு மார்ச் வரைக்கும் இவரது பதவி நீட்டிக்கப்பட்டுள்ளது.

$ சட்டம் மற்றும் கணிதம் படித்தவர். 1976-ம் வருட ஐ.ஏ.எஸ். அதிகாரி (பிகார் மாநிலம்) இவர்.

$ எஸ்.பி.ஐ. வங்கியில் அதிகாரியாக தன்னுடைய வாழ்க்கையை ஆரம்பித்தவர், செபிக்கு வருவதற்கு முன்பு யூ.டி.ஐ. மியூச்சுவல் ஃபண்ட் நிறுவனத்தின் தலைவராக இருந்தவர்.

$ யூ.டி.ஐ. பொறுப்பை ஏற்றுக்கொள்வதற்கு முன்பு நிதி அமைச்சகத்தில் இணைச் செயலாளராக இருந்தவர். மேலும் மத்திய அரசில் பல முக்கிய பொறுப்புகளை வகித்திருக்கிறார்.

$ பேங்க் ஆஃப் பரோடா, சென்ட்ரல் பேங்க் ஆஃப் இந்தியா, ஐ.எஃப்.சி.ஐ., சிட்பி உள்ளிட்டவற்றின் இயக்குநர் குழுவில் இருந்திருக்கிறார். இந்திய மியூச்சுவல் ஃபண்ட் நிறுவனங்களின் சங்கத் தலைவராகவும் (ஆம்பி) இருந்திருக்கிறார்.