ஜி.வி.பிரசாத் - இவரைத் தெரியுமா?

$ டாக்டர் ரெட்டீஸ் நிறுவனத்தின் தலைவர் மற்றும் தலைமைச் செயல் அதிகாரி. டாக்டர் ரெட்டீஸ் நிறுவனத்தின் நிறுவனர் அன்ஜி ரெட்டியின் மருமகன் ஆவார்.

$ இலினாய்ஸ் இன்ஸ்டியூட் ஆஃப் டெக்னாலஜியில் கெமிக்கல் இன்ஜினீயரிங்கும், பர்தே பல்கலை கழகத்தில் நிர்வாகத்துறையில் முதுகலைப் பட்டமும் பெற்றவர்.

$ படித்த பிறகு இந்தியா வந்த இவர், பெற்றோர் கொடுத்த பணத்தை வைத்துக்கொண்டு பார்மா நிறுவனத்தை ஆரம்பித்தார். ஆனால் இந்த நிறுவனம் தோல்வி அடைந்ததால், டாக்டர் ரெட்டீஸ்க்கு விற்று விட்டார்.

$ அதன் பிறகு குடும்பத் தொழிலான கட்டுமானத்தில் ஈடுபட்டார். ஆனால் அந்த தொழில் பிடிக்காமல் டாக்டர் ரெட்டீஸ் குழுமத்தில் இன்னொரு நிறுவனமான Cheminor Drug நிறுவனத்தைத் தலைமை ஏற்று நடத்தினார். இந்த நிறுவனத்தை பின்னாளில் டாக்டர் ரெட்டீஸ் வாங்கியது.

$ "என் அப்பா ஒவ்வொரு விஷயத்திலும் நுணுக்கமான விவரங்களை எதிர்பார்ப்பார். டாக்டர் ரெட்டி தொலைநோக்கு சிந்தனை உடையவர். இதனால் ஒவ்வொரு விஷயத்திலும் தொலை நோக்கு சிந்தனையுடன், விவரங்களை என்னால் பார்க்க முடியும்" என்பார்.