நிலேஷ் குப்தா - இவரைத் தெரியுமா?

$ மும்பையைத் தலைமையிடமாகக் கொண்டு செயல்பட்டுவரும் லுபின் நிறுவனத்தின் நிர்வாக இயக்குநர். கடந்த ஆண்டு செப்டம்பர் முதல் இந்த பொறுப்பில் இருக்கிறார்.

$ இவரது தந்தை தேஷ் பந்து குப்தாவால் தொடங்கப்பட்ட இந்நிறுவனத்தில் இவரது சகோதரி வினிதா குப்தா இந்நிறுவனத்தின் தலைமை செயல் அதிகாரியாக இருக்கிறார்.

$ மும்பையில் இருக்கும் கல்லூரியில் (யூ.டி.சி.டி) கெமிக்கல் இன்ஜினீயரிங் முடித்தவர். பென்சில்வேனியாவில் இருக்கும் வார்டன் பள்ளியில் நிதி, ஹெல்த்கேர் மற்றும் மேலாண்மை பயின்றவர்.

$ இப்போதைய சூழ்நிலையில் வளர்வது முக்கியமல்ல, எவ்வளவு வேகமாக வளர்கிறோம் என்பதுதான் முக்கியம் என்று நிர்வாக இயக்குநர் பொறுப்பு ஏற்கும்போது தெரிவித்தவர்.

$ சொல்லியதை செயல்படுத்துவது போல விரைவான வளர்ச்சியை எட்டிவரும் (25 சதவீதத்துக்கு மேல்) மெக்ஸிகோவில் இருக்கும் பார்மா நிறுவனத்தை கையகப்படுத்தி இருக்கிறார். பிரேசிலில் உள்ள நிறுவனங்ளை வாங்குவதற்கான வாய்ப்பையும் உன்னிப்பாகக் கவனித்து வருகிறார்.