இந்தியாவில் ‘ஐபோன் 15’ புரோ விலை அதிகம்: அமீரகத்தில் குறைவு - காரணம் என்ன?

சென்னை: அண்மையில் சர்வதேச சந்தையில் ஐபோன் 15 சீரிஸ் போன்களை அறிமுகம் செய்தது ஆப்பிள் நிறுவனம். ஐபோன் 15, ஐபோன் 15 பிளஸ், ஐபோன் 15 புரோ மற்றும் ஐபோன் 15 புரோ மேக்ஸ் என நான்கு போன்களை அறிமுகம் செய்தது. இந்த போன்களின் விலை இந்தியாவில் அதிகம். அதுவே சில நாடுகளில் குறைவாக உள்ளது.

குறிப்பாக, இந்தியாவில் விற்பனையாகும் ஐபோன் புரோ மாடல் போன்களுடன் ஒப்பிடும்போது அமீரகத்தில் இந்த மாடலின் விலை 20 சதவீதம் குறைவு. ஐபோன் 15 போன் அமீரகத்தில் ரூ.76,817. அதுவே இந்தியாவில் ரூ.79,990. ஐபோன் 15 புரோ போன் இந்தியாவில் ரூ.1,34,900. அமீரகத்தில் இதே மாடலின் விலை ரூ.97,157. அதேபோல ஐபோன் 15 புரோ மேக்ஸ் போனின் விலை ரூ.1,59,900. அமீரகத்தில் இதன் விலை 1,15,237. இந்த விலை வித்தியாசம் இந்தியாவில் உள்ள ஐபோன் பிரியர்களுக்கு கசப்பான செய்தியாக அமைந்துள்ளது.

காரணம் என்ன? - அமீரகத்தில் அதிகளவில் ஐபோன்கள் விற்பனையாகும். அதோடு ஒப்பிடும்போது இந்தியாவில் நடைபெறும் ஐபோன் வர்த்தகத்தின் எண்ணிக்கை மிகவும் குறைவு. மேலும், இந்தியாவில் புது மாடல்களை காட்டிலும் பழைய மாடல் (ஜெனரேஷன்) போன்கள் விற்பனை அதிகம் நடைபெறுவதாகவும் ஆப்பிள் விநியோகஸ்தகர்கள் தெரிவித்துள்ளனர். பல்வேறு வரிகளும் இதற்கு காரணம் என அவர்கள் தரப்பில் தெரிவிக்கப்பட்டுள்ளது. இந்தியாவில் ஐபோன் 15 சீரிஸ் போன்கள் அசெம்பிள் செய்யப்படுவது குறிப்பிடத்தக்கது.

ஐபோன் 15, ஐபோன் 15 பிளஸ் சிறப்பு அம்சங்கள்

6.1 இன்ச் திரை அளவு கொண்டுள்ளது ஐபோன் 15
6.7 இன்ச் திரை அளவு கொண்டுள்ளது ஐபோன் 15 பிளஸ்
டைனமிக் ஐலேண்ட் இதில் உள்ளது
பிங்க், மஞ்சள், பச்சை, நீலம் மற்றும் கருப்பு என 5 வண்ணங்களில் கிடைக்கும்
48 மெகாபிக்சல் கொண்டுள்ளது பிரதான கேமரா
ஏ16 பயோனிக் சிப்
சாட்டிலைட் துணையுடன் ரோட்ஸைட் அசிஸ்டன்ட்
2 ஆண்டுகளுக்கு சாட்டிலைட் சேவை இலவசம்
பாரம்பரிய லைட்னிங் போர்டுக்கு விடை கொடுத்துள்ளது ஆப்பிள். யுஎஸ்பி டைப்-சி சார்ஜிங் போர்ட் ஐபோன் 15 போன்களில் இடம் பெற்றுள்ளது
5ஜி நெட்வொர்க்
செராமிக் ஷீல்ட்
ஐபோன் 15 போனின் விலை ரூ.79,900
ஐபோன் 15 பிளஸ் போனின் விலை ரூ.89,900

ஐபோன் 15 புரோ, ஐபோன் 5 புரோ மேக்ஸ் சிறப்பு அம்சங்கள்

டைட்டானியம் ஃப்ரேம்
ஏ17 புரோ சிப்
யுஎஸ்பி டைப்-சி போர்ட். யுஎஸ்பி 3
சூப்பர் ஹை ரெஸலுஷன் போட்டோ
ஆக்‌ஷன் பட்டன்
Wi-Fi 6E
ஸ்பேஷியல் வீடியோ
ஐபோன் 15 புரோ போனின் ஆரம்ப விலை ரூ.1,34,900
ஐபோன் 5 புரோ மேக்ஸ் போனின் விலை ரூ.1,59,900
இந்த போனுடன் வாட்ச் சீரிஸ் 9 மற்றும் வாட்ச் அல்ட்ரா 2 அறிமுகம் செய்யப்பட்டுள்ளது