நெட்டிசன் நோட்ஸ்: ஷாருக் கான் - பாலிவுட் பாட்ஷா!

பாலிவுட்டின் முக்கியத் திரை ஆளுமைகளில் ஒருவரான ஷாருக் கானுக்கு இன்று (நவ. 2) பிறந்தநாள். நெட்டிசன்கள் அவரின் பிறந்த நாளைத் திருவிழாவாகக் கொண்டாடி வருகின்றனர். அத்துடன், #HBDWorldsBiggestStar என்ற ஹேஷ்டேகை இந்திய அளவில் ட்ரெண்டாக்கி தொடர்ந்து அதில் பதிவிட்டு வருகின்றனர். மேலும், "Happy Birthday King Khan", "Happy Birthday Shah Rukh Khan" ஹேஷ்டேகுகளும் ட்ரெண்டாகி உள்ளன.

இந்த ஹேஷ்டேகில் இப்போது வரை 62 ஆயிரம் பேர் பதிவிட்டுள்ள நிலையில், அவற்றில் இருந்து தேர்ந்தெடுக்கப்பட்ட சில பதிவுகளின் தொகுப்பு இன்றைய நெட்டிசன் நோட்ஸில்...

Show

தன் அறிவு மற்றும் வசீகரத்தால் எல்லோரையும் உற்சாகப்படுத்துகிற, ஊக்கமளிக்கிற, வழிகாட்டுகிற நிரந்தர சூப்பர் ஸ்டாருக்கு வாழ்த்துகள்.

SHAH RUKH KHAN.

சுமாரான தோற்றத்தில், மத்திய தர குடும்பத்தில் இருந்து வந்த பையன், இன்று பாலிவுட்டின் அழகான நடிகராகவும், உலகின் பணக்கார நபராகவும் மாறி நிற்கிறார்.

TellyTalkIndia

கிங் கானுக்கு பிறந்தநாள் வாழ்த்துகள். உங்களின் படங்கள் மூலம், லட்சக்கணக்கான மக்களை வலிமையான ஆளுமைகளாக மாற்றியதற்கு நன்றி.

Sushant Singh Rajput

உண்மையான மேஜிக் உங்களுக்குப் புரியாது. அதைச் செய்யவும் நீங்கள் விரும்ப மாட்டீர்கள். அதை ரசிக்க மட்டுமே ஆசைப்படுவீர்கள். அந்த மேஜிக்... ஷாருக்கான்.

Abhishek Parihar

ஷாருக் கானுக்கு பிறந்தநாள் வாழ்த்துகளைச் சொல்வதற்காகவே ட்விட்டர் வந்திருக்கிறேன். வேறு எதற்காகவும் இல்லை.

Funnily Serious

அவர் உற்சாகம், அவர் அன்பு, அவர் வழிபாட்டு உருவம், அவர் அறிவாற்றல், அவர் மனிதர், அவர் மிகப்பெரிய நட்சத்திரம். அவர்.... ஷாருக் கான்.

Joy ‏

காட் ஃபாதர்களின் ஆதரவு எதுவும் இல்லாமல் பாலிவுட்டில் நுழைந்தார்; தனக்கான இடத்தைப் பிடித்தார். பாலிவுட்டின் பாட்ஷா என்று அழைக்கப்படுவதற்கான முழு தகுதியும் உங்களிடம் இருக்கிறது ஷாருக்.

Ravi Kapoor

நவம்பர் 2, எனக்கு எப்போதுமே சிறப்பான நாள்தான். 51 வருடங்களுக்கு முன்னால், சினிமா கோள் எனப்படும் பாலிவுட்டை ஆள ஒரு சிறுவன் பிறந்தான்.

| TEAM SRK |

நானே உருவாக்கிய நிஜத்தில் வாழ்பவன் நான். - ஷாருக்.

Happy SRK DAY !!! ‏

ஷாருக்: தகப்பனாகவும், கணவனாகவும் நான் தோற்றுவிடுவேனோ என்று உணரும்போதெல்லாம், ஒரு பொம்மையும், வைரமும் என்னைக் காப்பாற்றிவிடுகின்றன. #அருமை.

aman akhouri

எனக்குப் புரியவில்லை.

நான் புரிந்துகொள்ளவும் விரும்பவில்லை.

என்னால் புரிந்துகொள்ள முடியாது.

அந்த அதிசயத்தைக் கண்டு என்னால் வியக்க மட்டுமே முடியும்.

அது... எஸ்.ஆர்.கே.!

Karan Gandhi

இந்தியாவின் செல்ல மகனான ஷாருக்கின் பிறந்தநாள், எந்த விதத்திலும் பண்டிகைக் கொண்டாட்டங்களுக்குக் குறைந்ததல்ல.

Ziyan ‏

உலகப் புகழ்பெற்ற க்ரெவின் மியூசியத்தில் காந்திக்குப் பிறகு மெழுகு சிலை அமைக்கப்பட்ட ஒரே இந்தியர்.

Akash lonarkar

20 வருடங்களாக ஒரே படம் (தில்வாலே துல்ஹனியா லே ஜாயேங்கே) திரையரங்கில் ஓடிய சாதனைக்குச் சொந்தக்காரர். @iamsrk

‎Kennedy Arumugam‎

மொழிகடந்து எல்லா மொழி ரசிகர்களாலும் ரசிக்கப்படும் முன்னணி கதாநாயகன், விளம்பரங்கள் பலவற்றுக்கு உயிர் கொடுக்கும் கலகலப்பு நாயகன்..

Gayathri Karthik

உயிரே படத்தில் ஷாருக், மனீஷாவை ஒரு பார்வை பார்ப்பார்....பின்னால் ரஹ்மானின் விண்மீன்களை தாண்டி வாழும் காதல் உண்டு என உலுக்கும் ஒரு இசை.... அந்த காட்சியில் உள்ள அழகில், காதலில் உறைந்து போயிற்று மனது.

Amaal Mallik

உங்களின் சினிமா காலத்தில் நானும் வாழ்கிறென் என்பதில் பெருமை அடைகிறேன் ஷாருக். பிறந்தநாள் வாழ்த்துகள்.