சுனிதா வில்லியம்ஸ் 10

இந்திய வம்சாவளியைச் சேர்ந்த அமெரிக்க விண்வெளி வீராங்கனை சுனிதா வில்லியம்ஸின் பிறந்த நாள் இன்று. அவரைப் பற்றிய அரிய முத்துக்கள் பத்து...

¶ அப்பா தீபக் பாந்த்யா நரம்பியல் வல்லுநர். அம்மா போன்னி பாந்த்யா, ஸ்லோவேனிய அமெரிக்கர். கணவர் மைக்கேல் ஜே.வில்லியம்ஸ் போலீஸ் அதிகாரி.

¶ அமெரிக்கக் கடற்படை அகாடமியில் இளங்கலை பட்டமும், புளோரிடா இன்ஸ்டிடியூட் ஆப் டெக்னால ஜியில் பொறியியல் முதுகலைப் பட்டமும் பெற்றார்.

¶ 1987-ல் அமெரிக்க கடற்படையில் இளநிலை அதிகாரி யாகப் பணியில் சேர்ந்தார். 2 ஆண்டுகளில் கடற்படை விமானியானார்.

¶ டிசம்பர் 9, 2006. டிஸ்கவரி விண்வெளிக் கலத்தில் சர்வதேச விண்வெளி நிலையத்துக்கு அனுப்பப்பட்டார்.

¶ பகவத்கீதை, விநாயகர் சிலை, கொஞ்சம் சமோசாக்களை விண்வெளிக்கு எடுத்துச்சென்றார்.

¶ விண்வெளியில் மாரத்தான் ஓடிய முதல் நபர் சுனிதா. அங்கு இருந்தபடியே வானொலியில் பேசினார்.

¶ விண்வெளியில் ஓடிக்கொண்டே தனது தலைமுடியைக் கத்தரித்தார். பிறகு, ‘லாக்ஸ் ஆப் லவ்’ அமைப்புக்கு அதை வழங்கினார்.

¶ பனிச்சறுக்கு, நீச்சல், பைக் ஓட்டுதல், ட்ரயத்லான் ஆகியவை பிடித்தமான பொழுதுபோக்குகள்.

¶ மொத்தம் 322 நாட்கள் விண்வெளியில் இருந்திருக்கிறார்.

¶ இந்தியப் பெண் ஒருவரைத் தத்தெடுத்துக்கொள்ள வேண்டும் என்பது சுனிதாவின் நீண்ட நாள் ஆசை!