நெட்டிசன் நோட்ஸ்: ரஜினி -கருணாநிதி சந்திப்பு; திராவிடத்தை வணங்கிய ஆன்மிக அரசியல்!

திமுக தலைவர் கருணாநிதியை சந்தித்து அரசியல் பிரவேசத்திற்காக ஆசி பெற்றதாக நடிகர் ரஜினிகாந்த் தெரிவித்தார். இதுகுறித்து நெட்டிசன்களும், ரஜினி ரசிகர்களும் இணையத்தில் தொடர்ந்து விவாதித்து வருகின்றனர். அவற்றின் தொகுப்பு இன்றைய நெட்டிசன் நோட்ஸில்...

M.m. Abdulla

"வாய்யா ரஜினி! எப்படி இருக்க?"

"நல்லாருக்கேங்கய்யா. நீங்க நல்லா இருக்கீங்களா"

"நலமாருக்கேய்யா. என்ன விசயம்?"

" அது வந்துங்க... ஐயா.. சிஸ்டம் செரியா இல்லை. அதுனால நான் வந்து..."

"சிஸ்டம் செரியில்லாட்டி தூக்கி போடுய்யா. அதெல்லாம் அவுட் டேட். ஆப்பிள்லயோ ஆண்ட்ராய்லயோ டேப்லட் வாங்கிக்க"

கவிஞன் மோக்கியா @WritterRamesh

கருணாநிதி : என்னப்பா... கைல பழம் எல்லாம், ஏதும் காது குத்துக்கு போறியா?

ரஜினி : இல்லண்ணே.. நீங்க இந்த தொழில விட்டுட்டீங்க.. அதனால அந்த பதவிய நான் ஏத்துக்கலாம்ன்னு...

Praveen R @Praveen_TSR

கருணாநிதியிடம் ஆசீர்வாதம் வாங்கினார் ரஜினி!

மகாபாரதப் போர் நடக்கும் முன், தருமர் கவுரவர் படையின் பிதாமகன் பீஷ்மரிடம் ஆசீர்வாதம் வாங்கியதை தமிழர்களுக்கு நினைவூட்டினார் சூப்பர் ஸ்டார்!

இது ஆன்மீக அரசியல்! போர்! #Thalaivar #TSR

Arul Ezhilan

புத்தாண்டு வாழ்த்து சொல்ல வேண்டும், அப்படியே உடல் நலம் விசாரிக்கணும் என்றுதான் ரஜினி தரப்பில் இருந்து கருணாநிதி  மகள் செல்வியிடம் அனுமதி கேட்டிருக்கிறார்கள். ஸ்டாலினும் அங்கு சென்றார். ஆனால் ரஜினி திடீரென அரசியலுக்கு வருகிறேன் ஆசி வேண்டும் என்று சொல்ல அது கருணாநிதிக்குப் புரியவில்லை. அவர் யார் கை கொடுத்தாலும் கொடுப்பார். கை கொடுத்தார் அதை ரஜினி ஆசியாக எடுத்துக் கொண்டு ஊடகங்களிடம் பொய் சொல்ல கடைசியில் வாங்கிக் கட்டும் சூழல் உருவானது.

விஷ்வா விஸ்வநாத்

காட்சி 1: அழகிரி மீட்டிங் வித் கருணாநிதி

காட்சி 2: ரஜினி மீட்டிங் வித் கருணாநிதி

காட்சி 3: கடுகடுப்பான முகத்துடன் ஸ்டாலின் "இது திராவிட மண்" என பேட்டி

அடுத்து எதிர்பார்க்கப்படும் காட்சி 4: அழகிரி மீட்டிங் வித் சூப்பர் ஸ்டார்.

- இம்புட்டுதான் பாலிடிக்ஸ்

H Umar Farook

ரஜினி பாஜக ஆளுன்னு சொன்னீங்க , இப்போ கருணாநிதியை சந்தித்து இருக்கிறாரே என்ன சொல்றீங்க என்றார் பாஜக நண்பர் ஒருவர் !

’ஆமாங்க தெரியாமல் சொல்லிட்டேன் , ரஜினி கருணாநிதியோட கையாள் , பாஜக ஓட்டை பிரிப்பதற்காக இப்படி கட்சி ஆரம்பித்து நாடகமாடுகிறார்’ என்றேன்!

ஒண்ணுமே பேசாமல் போய் விட்டார் !

Pichaikaaran Sgl

-தம்பி ரஜினி... ஒண்ணு ரெண்டுனா பரவாயில்லை.. 234 தொகுதிகளிலும் ஸ்டாலின் ராஜதந்திரத்தோட தேர்தல் பணி செய்ய உத்தரவிடச் சொல்றியே.. இது நல்லாவா இருக்கு ?

Bala G

நேற்று ராமகிருஷ்ண மடம்..

இன்று திமுக மடம்..

படத்தைவிட அரசியல்ல செமையா எண்டர்டெயின் பண்றார்.. ஃபேஸ்புக் சமூகத்துக்கு தினசரி விருந்துதான்..

வாழ்த்துகள் ரஜினி சார்.

Ezhumalai Venkatesan

திமுக தலைவர் கருணாநிதியை அவரது இல்லத்தில் ரஜினி சந்தித்தார்.

மகாபாரதத்தில் ஒரு சீன் வரும்.போருக்கு முன் அர்ஜுனன் அண்ட் கோ போய் எதிர்த் தரப்பு மகா பெரியவரான பீஷ்மர், துரோணாச்சாரியார் அன்ட் கோகிட்டே ஆசி கேக்கும்..

ஏன்னா, எல்லாம் வல்ல குருமாரான பீஷ்மரின் ஆசிஇல்லாவிட்டால் அது சாபமாகி தங்கள் தரப்பை திருப்பியடிக்கும் என்பது அர்ஜுனன் தரப்புக்கு தெரியும்.

பகையாளி குடியை உறவாடி கெடுக்கறது ஒரு டைப்... அது டீவி சிரியல் ரகம்.. பகையாளின்னாலும் மூத்தவங்களை மதிச்சி தர்மப்படி அவங்கிட்ட ஆசிர்வாதம் வாங்கி அவங்களையே போட்டுத்தள்றது இதிகாசம் ரகம்...

கரிகாலன்

ஸ்டாலின் vs ரஜினி, கமல்!

ரஜினி கோபாலபுரத்துக்கு வந்தபோது ஸ்டாலின் முகத்தில் இறுக்கமிருந்தது. கருணாநிதியைப் பின்பற்றி ஸ்டாலினும் முரசொலி விழாவுக்கு ரஜினி, கமல் இருவரையும் அழைத்தார்.

இவ்வளவு சீக்கிரம் இவர்களுக்கு அரசியல் ஆசை வரும் என அப்போது அவர் எண்ணியிருக்க வாய்ப்பில்லை!

Pa Raghavan

கருணாநிதி ஆசியுடன் ஆன்மிக அரசியல் என்பது ஒரு நல்ல விஷயமே.

ஒரு தகவல். நிறுத்தப்பட்டிருந்த ராமானுஜர் தொடர் கலைஞர் டிவியில் இப்போது மீண்டும் ஒளிபரப்பாகிறது.

Srinivasan J

கருணாநிதி ரஜினி சந்திப்பு - காவியை உடைக்கும் சக்தி கருணாநிதிக்கே இருக்கிறது என்று ஆன்மிக அரசியல் செய்யும் ரஜினிக்கும் புரிந்திருக்கிறது என்பதுதான் ஹைலைட்!

குருபிரசாத் தண்டபாணி

நல்லகண்ணு போன்றவர்களைத் தவிர்த்து, கருணாநிதி போன்றவர்களின் வீடு தேடிப் போய் ஆசி பெறுவதே ஆன்மிக அரசியலின் முதற்படி.

தஞ்சை தர்மா @dharmaraaaj

பெருந்தகை அண்ணாவால் அஸ்திவாரமிடப்பட்டு, கருணாநிதியால் கட்டி எழுப்பப்பட்ட மிகப்பெரிய கட்டிடம் திமுக. அதை ரஜினி எனும் சிறு ஊசியைக் கொண்டு சாய்த்திட முடியாது.

BALACHANDER KAMAL @BALACHANDER02

ரஜினி: ஐயா உங்க ஆசி வேண்டும்...

கருணாநிதி: அதற்கென்னப்பா, என் ஆசி எப்பவும் உனக்கு உண்டு. அதற்கு நீ எனக்கொரு காணிக்கை செலுத்த வேண்டும்...

ரஜினி: சொல்லுங்க ஐயா...

கருணா: 1996-ல் எனக்கு வாய்ஸ் அளித்ததைப் போல, என் மகனுக்கு 2021-ல் அளிக்க வேண்டும்...

ரஜினி: ???

Lakshmanan.P @laksh_kgm

கருணாநிதி, ஆர்.எம். வீரப்பன் ஆகியோரைச் சந்தித்து, ஏன் சங்கடங்களை உண்டாக்குகிறார், ரஜினி ?

கோகுல் @GokulTalks

அரசியல் கட்சி தொடங்குவதற்கு ஆசி பெற வந்ததாக ரஜினி தெரிவித்தார் - ஸ்டாலின்

புள்ளைக்கு ஆப்பு வைக்க அப்பாகிட்ட ஆசியா?

Aandavar Memes @AndavarMemes

கருணாநிதி: வாய்யா! நீ சுத்தி வளைச்சு இங்கதான் வருவேனு எனக்குத் தெரியும், ஆன்மிக அரசியல் செய்ய பாஜக வேணும், பகுத்றிவு அரசியல் செய்ய நா வேணுமா?

நைனா @Writer_Naina

விஜயகாந்தும் இதே போல்தான் கட்சி துவங்குமுன் கருணாநிதியிடம் ஆசி வாங்கினார்- ஸ்டாலின்.

#எனக்கு தெரிந்து கருணாநிதி போல வார்த்தைகளை நக்கல் கலந்து ஸ்டாலின் பேசுவதை இப்பதான் கேட்கறேன்.

கு. கார்த்திகேயன் @karthetweets

திராவிட அரசியலை வணங்கும் ஆன்மிக அரசியல்! #கலைஞர் கருணாநிதி #Kalaignar #Rajinikanth