இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: தொட்ட காரியங்கள் துலங்கும். குடும்பத்தில் சுபகாரியங்களுக்கு ஏற்பாடாகும். கோயில் விசேஷங்களை முன்னின்று நடத்துவீர்கள். கணவன் - மனைவி இடையே அன்யோன்யம் அதிகரிக்கும்.

ரிஷபம்: சமூகத்தில் பிரபலமானவர்களின் நட்பும், உதவியும் கிடைக்கும். மகளின் திருமணப் பேச்சுவார்த்தையில் நிலவிய முட்டுக்கட்டைகள் நீங்கும். ஆடை, ஆபரணங்கள் வாங்கி மகிழ்வீர்கள்.

மிதுனம்: உங்களின் ரசனைக்கேற்ப வீட்டை விரிவுபடுத்துவீர்கள். சிலருக்கு அரசு பதவிகள் கிடைக்கும். சமூக அந்தஸ்து உயரும். பங்கு வர்த்தகத்தில் லாபம் கிடைக்கும். திடீர் பயணம் ஏற்படலாம்.

கடகம்: குடும்பத்துடன் ஆன்மிகப் பயணம் சென்று வருவீர்கள். தியானம், யோகாவில் ஈடுபாடு அதிகரிக்கும். உங்களின் அலட்சியப் போக்கால் சில சிக்கல்கள் வர வாய்ப்பிருக்கிறது.

சிம்மம்: நீண்ட நாட்களாக இழுபறியாக இருந்த வேலைகள் முடியும். அரசு அதிகாரிகளின் உதவி கிடைக்கும். நல்ல இடவசதியுடன் கூடிய வீட்டுக்கு குடி புகுவீர்கள். கலைப்பொருட்கள் வாங்குவீர்கள்.

கன்னி: மறைமுக எதிரிகளைக் கண்டறிந்து அவர்களை ஒதுக்குவீர்கள். வேற்றுமதத்தவர்கள் தக்க சமயத்தில் உதவுவார்கள். நீண்டநாட்களாக எதிர்பார்த்த அயல்நாட்டுப் பயணம் சாதகமாக அமையும்.

துலாம்: மனதில் தைரியம் பிறக்கும். எதிரிகளை சாதுர்யமாக சமாளிப்பீர்கள். பிள்ளைகளின் தேவைகளை நிறைவேற்றுவீர்கள். உறவினர், நண்பர்களின் வருகையால் வீடு கலகலப்பாகும்.

விருச்சிகம்: நேர்மறை எண்ணங்கள் பிறக்கும். தூக்கமின்மை விலகும். தாயாரின் உடல்நலத்தில் கூடுதல் கவனம் செலுத்துங்கள். பயணங்களால் அலைச்சல் இருந்தாலும் ஆதாயம் கிடைக்கும்.

தனுசு: இளைய சகோதரரால் சில காரியங்கள் நிறைவேறும். வீட்டின் அடிப்படை வசதிகளை மேம்படுத்துவீர்கள். அடிக்கடி செலவு வைத்த வாகனத்தை மாற்றுவீர்கள். பணவரவு திருப்தி தரும்.

மகரம்: புதிய முயற்சிகளில் ஆர்வம் பிறக்கும். நீண்ட நாட்களாக எதிர்பார்த்த தொகை கைக்கு வரும். சொத்து தொடர்பான வழக்குகள் தாமதமாகும். கடனைத் தீர்க்கும் முயற்சியில் இறங்குவீர்கள்.

கும்பம்: உடல்நலக்குறை, மனச்சோர்வு, பதற்றம் வந்துபோகும். உடன்பிறந்தவர்களிடையே கருத்துவேறுபாடுகள் ஏற்படக் கூடும். அடுத்தவர் விவகாரங்களில் தலையிட வேண்டாம்.

மீனம்: சிலர் உங்கள் மீது வீண் பழி சுமத்துவார்கள். கோயில் விழாக்களை முன்னின்று நடத்துவீர்கள். வீடு, மனை வாங்குவது குறித்து குடும்பத்தினருடன் ஆலோசிப்பீர்கள். தாயாரின் ஆதரவு கிடைக்கும்.