இந்தநாள் உங்களுக்கு எப்படி?- 12 ராசிகளுக்கும் உரிய பலன்கள்

மேஷம்: கணவன் - மனைவிக்குள் இருந்த கருத்துவேறுபாடுகள் நீங்கி சந்தோஷம் நிலைக்கும். எதிர்பாராத இடத்தில் இருந்து உதவிகள் கிடைக்கும். தடைபட்ட வேலைகள் முடியும்.

ரிஷபம்: எதற்கெடுத்தாலும் சந்தேகப்படுவதை முதலில் நிறுத்துங்கள். குடும்பத்தினருடன் வீண் வாக்குவாதம் வந்து போகும். முன்கோபத்தால் இழப்புகள் ஏற்படும்.

மிதுனம்: பிள்ளைகளால் டென்ஷன் அதிகரிக்கும். உடல் நலம் பாதிக்கக் கூடும். அண்டை, அயலார் சிலரின் செயல்பாடுகள் எரிச்சலை ஏற்படுத்தும். வாகனம் செலவு வைக்கும்.

கடகம்: அதிரடியாக சில முக்கிய முடிவுகள் எடுப்பீர்கள்.. பழைய கடனை பைசல் செய்வீர்கள். வெளிவட்டாரத்தில் அந்தஸ்து உயரும். தாயாரின் ஆதரவும், உதவியும் கிடைக்கும்.

சிம்மம்: புதிய பாதையில் பயணிக்கத் தொடங்குவீர்கள். பிள்ளைகள் முன்னேற வேண்டுமென துடிப்பார்கள். சிலர் உங்களை நம்பி பெரிய பொறுப்புகளை ஒப்படைப்பார்கள்.

கன்னி: தயக்கம், காரியத் தாமதம் யாவும் நீங்கும். விருந்தினர் வருகையால் குடும்பத்தில் மகிழ்ச்சி தங்கும். பழைய பிரச்சினைகளுக்கு தீர்வு ஏற்படும். உறவினர்களால் அனுகூலம் உண்டு.

துலாம்: செலவுகளைக் குறைக்க முடியாமல் திணறுவீர்கள். கணவன் - மனைவிக்குள் விட்டுக் கொடுத்துப் போவது நல்லது. சிலர் உதவுவதை போல் உபத்திரவம் தருவார்கள்.

விருச்சிகம்: தன் பலம், பலவீனத்தை உணர்வீர்கள். சகோதரர் வகையில் நன்மை உண்டு. கல்யாணப் பேச்சுவார்த்தை நம்பிக்கையைத் தரும். பயணங்களால் மகிழ்ச்சி ஏற்படும்.

தனுசு: விலகியிருந்த உறவினர், நண்பர்கள் தேடிவருவார்கள். அரசால் அனுகூலம் உண்டு. வேற்றுமதத்தவர் உதவுவார். ரசனைக்கேற்ப வீட்டை மாற்றியமைப்பீர்கள்.

மகரம்: கனவு நனவாகும். பிள்ளைகளின் தேவைகளை நிறைவேற்றுவீர்கள். ஆடம்பரச் செலவுகளைக் குறைத்து சேமிக்கத் தொடங்குவீர்கள். நீண்ட நாட்களாக எதிர்பார்த்த தொகை கைக்கு வரும்.

கும்பம்: அரசு அதிகாரிகளின் உதவியால் சில காரியங்களை முடிப்பீர்கள். தாயாருடன் கருத்து மோதல்கள் வரக் கூடும். வேலைக்கு முயற்சித்தவர்களுக்கு நல்ல தகவல் வரும்.

மீனம்:. உடன்பிறந்தவர்கள் பக்கபலமாக இருப்பார்கள். வீடு, மனை வாங்குவது, விற்பது லாபகரமாக அமையும். பிரபலங்கள் அறிமுகமாவார்கள். கலைப்பொருட்கள் வாங்குவீர்கள்.