இந்தநாள் உங்களுக்கு எப்படி?- 12 ராசிகளுக்கும் உரிய பலன்கள்

மேஷம்: மனக்குழப்பங்கள் நீங்கும். நம்பிக்கைக்குரியவர்களின் ஆதரவு கிட்டும். தாய்வழி உறவினர்களால் ஆதாயம் உண்டு. வீட்டில் சுபநிகழ்ச்சிகளுக்கு ஏற்பாடாகும்.

ரிஷபம்: சுறுசுறுப்புடன் செயல்பட்டு தடைபட்ட காரியங்களை விரைந்து முடிப்பீர்கள். குடும்பத்தில் கலகலப்பான சூழல் ஏற்படும். மனைவிவழியில் லாபம் அதிகரிக்கும்.

மிதுனம்: நீண்டநாட்களாக இழுத்தடித்த காரியங்கள் இன்று முடிவுக்கு வரும். பிள்ளைகளின் கோரிக்கைகளை பூர்த்தி செய்வீர்கள். கணவன் - மனைவி இடையே அன்யோன்யம் ஏற்படும்.

கடகம்: மன உளைச்சல் நீங்கும். கணவன் - மனைவிக்குள் இருந்துவந்த கருத்துவேறுபாடுகள் விலகும். வாகனப் பழுது நீங்கும். குடும்பத்தினருடன் மனம்விட்டுப் பேசுவீர்கள்.

சிம்மம்: ஆடம்பரச் செலவுகளை குறைப்பீர்கள். வீட்டின் அடிப்படை தேவைகளை பூர்த்தி செய்வீர்கள். நண்பர்கள், உறவினர்களின் உதவி கிட்டும். பங்கு வர்த்தகம் லாபம் தரும்.

கன்னி: சோர்வு, அலைச்சல் நீங்கி புத்துணர்ச்சியுடன் காணப்படுவீர்கள். குடும்பத்தில் அமைதி நிலவும். பழைய நண்பர்களைச் சந்திப்பீர்கள். அக்கம்பக்கத்தினரின் ஆதரவு கிடைக்கும்.

துலாம்: எந்த காரியத்தை தொட்டாலும் பலமுறை முயன்று முடிக்க வேண்டி வரும். சிலரின் தவறுகளை சுட்டிக் காட்டுவதன் மூலம் சச்சரவுகளில் சிக்குவீர்கள். கலைப்பொருட்கள் சேரும்.

விருச்சிகம்: கணவன் - மனைவிக்குள் கருத்து வேறுபாடுகள் ஏற்படக் கூடும். எதிர்பார்த்த இடத்தில் இருந்து உதவிகள் தாமதமாகும். யாரையும் எடுத்தெறிந்து பேச வேண்டாம்.

தனுசு: கணவன் - மனைவிக்குள் விட்டு கொடுத்து செல்வீர்கள். பிள்ளைகளின் உடல்நலத்தில் அக்கறைக் காட்டுவீர்கள். மூத்த சகோதரரால் சில குழப்பங்கள் ஏற்பட்டு விலகும்..

மகரம்: மன உறுதியுடன் செயல்பட்டு சில வேலைகளை முடிப்பீர்கள். குழந்தைகளின் எண்ணங்களை கேட்டறிந்து பூர்த்தி செய்வீர்கள். தந்தையின் உடல்நிலையில் முன்னேற்றம் ஏற்படும்.

கும்பம்: புது முயற்சிகள் வெற்றி தரும். எதிர்பார்த்த இடத்திலிருந்து பணவரவு உண்டு. விருந்தினர் வருகையால் வீடு களைகட்டும். வீடு மாறுவது குறித்து ஆலோசிப்பீர்கள்.

மீனம்: உங்களை அறியாமலேயே ஒருவித படபடப்பு, தாழ்வுமனப்பான்மை வந்து செல்லும். தன்னம்பிக்கை குறையும். உதவி கேட்டு உறவினர்களும் தர்மசங்கடத்துக்கு ஆளாக்குவார்கள்.