இந்தநாள் உங்களுக்கு எப்படி?- 12 ராசிகளுக்கும் உரிய பலன்கள்

மேஷம்: குடும்ப வருமானத்தை உயர்த்த முயற்சி மேற்கொள்வீர்கள். உங்களைச் சுற்றியிருப்பவர்களில் நல்லவர்கள் யார் என்பதை கண்டறிவீர்கள். மூத்த சகோதரர் உதவுவார்.

ரிஷபம்: எதிர்ப்புகளையும் தாண்டி முன்னேறுவீர்கள். வீடு, வாகன பராமரிப்பு செலவுகள் அதிகரிக்கும். புதிய நண்பர்கள் அறிமுகமாவார்கள். நவீன மின்சாதனங்கள் வாங்குவீர்கள்.

மிதுனம்: குடும்பத்தில் உங்கள் வார்த்தைக்கு மதிப்பு கூடும். உங்களால் மற்றவர்கள் ஆதாயமடைவார்கள். உறவினர்களின் வருகையால் வீடு களைகட்டும். வாகனத்தை சீர் செய்வீர்கள்.

கடகம்: இங்கிதமாகப் பேசி கடினமான காரியங்களையும் சாதிப்பீர்கள். பிள்ளைகள் பொறுப்புடன் நடந்து கொள்வார்கள். புத்துணர்ச்சியுடன் காணப்படுவீர்கள். ஆன்மிக ஈடுபாடு அதிகரிக்கும்.

சிம்மம்: பழைய கசப்பான சம்பவங்களைப் பற்றி யாரிடமும் விவாதிக்க வேண்டாம். பிள்ளைகளின் வருங்காலம் குறித்து யோசிப்பீர்கள். வீடு பராமரிப்பு செலவுகள் அதிகரிக்கும்.

கன்னி: யாருக்காகவும் ஜாமீன், உத்தரவாதக் கையெழுத்திட வேண்டாம். பழைய பிரச்சினைகளுக்கு சுமூகத் தீர்வு காண்பது நல்லது. வாகனம் அடிக்கடி தொந்தரவு தரும்.

துலாம்: கடன் பிரச்சினைகளைத் தீர்க்க வழி பிறக்கும். விலகி நின்றவர்கள் விரும்பி வருவார்கள். நெருங்கியவர்களுக்காக மற்றவர்களின் உதவியை நாடுவீர்கள். கலைப்பொருட்கள் சேரும்.

விருச்சிகம்: எந்தப் பிரச்சினைகளையும் எதிர்கொள்ளும் மனப்பக்குவம் கிடைக்கும். உடன்பிறந்தவர்கள் பக்கபலமாக இருப்பார்கள். குடும்பத்துடன் குலதெய்வ கோயிலுக்கு செல்வீர்கள்.

தனுசு: உணர்ச்சிப்பூர்வமாகப் பேசுவதை விட்டு அறிவுப்பூர்வமாக செயல்படுவீர்கள். திடீர் முடிவுகள் எடுப்பீர்கள். பிள்ளைகள் நம்பிக்கை தருவார்கள். பால்ய நண்பரை சந்திப்பீர்கள்.

மகரம்: உங்களுடைய பலம், பலவீனம் உணர்ந்து கொள்வது நல்லது. பல காரியங்கள் இழுபறிக்குப் பின்னர் முடியும். இளைய சகோதரருடன் நிலவிய கருத்துவேறுபாடு நீங்கும்..

கும்பம்: குடும்பத்தினருடன் ஆரோக்கியமான விவாதங்கள் வந்து போகும். வாகனத்தை சரி செய்வீர்கள். பழைய சொந்தபந்தங்கள் தேடி வருவார்கள். யோகா, தியானத்தில் மனம் லயிக்கும்.

மீனம்: உங்களின் இலக்கை நோக்கி முன்னேறுவீர்கள். பிள்ளைகளால் பெருமை ஏற்படும். அரசால் அனுகூலம் உண்டு. வழக்கில் வெற்றி பெறுவீர்கள். பங்கு வர்த்தகம் லாபம் தரும்.